ગુજરાત ભાજપની ટીમ ગુજરાત જાહેર થવાની તૈયારી છે.પ્રદેશ પ્રમુખ સીઆર પાટીલે જિલ્લા સંગઠનની રચના કયર્િ પછી હવે સ્ટેટ લેવલના હોદ્દેદારોની જાહેરાત કરવા હાઇકમાન્ડ સાથે મસલતો શરૂ કરી છે તેથી એવું ચચર્ઇિ રહ્યું છે કે ગમે તે સમયે સીઆર પાટીલની ટીમ જાહેર થઇ શકે છે.
ગુજરાત ભાજપ સંગઠનમાં કોને કોને સમાવાશે અને કોણ પડતા મૂકાશે તેની ચચર્એિ જોર પકડ્યું છે.હાઇકમાન્ડના માર્ગદર્શન પછી સીઆર પાટીલ તેમની ટીમની જાહેરાત કરે તેમ મનાઇ રહ્યું છે.સૂત્રોના જણાવ્યા પ્રમાણે પ્રદેશ સંગઠનમાં 60 ટકા નવા ચહેરાને સ્થાન મળશે.એકમાત્ર ભીખુભાઇ દલસાણિયા કે જેઓ હાલ મહામંત્રીનું પદ ભોગવી રહ્યાં છે તેમને યથાવત રાખવામાં આવશે.
ગુજરાત વિધાનસભાની આઠ બેઠકોની પેટાચૂંટણીમાં ભાજપ્ને મળેલી સફળતા પછી ટીમ ગુજરાતમાં કોણ કોણ હોઇ શકે છે તેની અટકળોએ જોર પકડ્યું છે.ભાજપે આ ચૂંટણીમાં તમામ બેઠકો મોટા માર્જીનથી જીતી લીધી કોંગ્રેસને પછડાટ આપી છે,કારણ કે આ તમામ બેઠકોમાં કોંગ્રેસના ઉમેદવારો ચૂંટાઇ આવ્યા હતા,જે પૈકી ભાજપે પાંચ પૂર્વ ધારાસભ્યોને ટિકીટ આપી છતાં કોંગ્રેસ તેમની આ બેઠકો બચાવી શકી નથી.
પેટાચૂંટણીના પરિણામ એ ભાજપ પ્રદેશ પ્રમુખ સીઆર પાટીલની મહેનતનું પરિણામ છે અને તેમને હાઇકમાન્ડની શુભેચ્છાઓ પણ મળી ચૂકી છે તેથી સીઆર પાટીલ જે નામ પર આંગળી મૂકે તે નેતાને પ્રદેશ સંગઠનમાં સ્થાન મળે તેવું દેખાઇ રહ્યું છે.સીઆર પાટીલ વિધાનસભાની 2022ની ચૂંટણીને નજર સમક્ષ રાખીને ટીમ ગુજરાતના ચહેરાની પસંદગી કરવાના છે તેથી તેમની પેટાચૂંટણીમાં વિજયની સફળતાને ધ્યાને લઇને હાઇકમાન્ડ તેમને છૂટો દોર આપી શકે છે.
પાર્ટીના વર્તુળોમાં એવી અટકળો થઇ રહી છે કે ઉત્તર ઝોનમાં શંકર ચૌધરી અને રજની પટેલ,સૌરાષ્ટ્ર ઝોનમાં ગોરધન ઝડફિયા,ધનસુખ ભંડેરી,દક્ષિણ ઝોનમાં પ્રફુલ્લ પાનસેરિયા અને મધ્ય ઝોનમાં પ્રદીપસિંહ વાઘેલાની નિયુક્તિ થાય તેવી સંભાવના છે.વિધાનસભાની ચૂંટણીને ધ્યાને લઇને સીઆર પાટીલ તેમના સંગઠનની ટીમ જાહેર કરશે,જો કે 60 ટકા નવા ચહેરાને સ્થાન મળે તેવું દેખાઇ રહ્યું છે.
