– ગાંધીનગરમાં આજે ભાજપનું શક્તિ પ્રદર્શન
– પેથાપુરથી શરૂ કરી કુડાસણ સુધી 20 કિ.મી લાંબા રોડ શો
– CM ભુપેન્દ્ર પટેલ અને CR પાટીલ, ભૂપેન્દ્રસિંહ ચુડાસમાં સહિતના અનેક નેતાઓ જોડાયા
ગાંધીનગ મહાનગર પાલિકાની ચૂંટણીમાં ત્રિપાંખિયો જંગ જામ્યો છે.આજે ચૂંટણી પ્રચારનો છેલ્લો દિવસ છે,ત્યારે ભાજપ,કોંગ્રેસ અને ત્રીજો પક્ષ બનીને માથાનો દુ:ખાવો બનેલો આમ આદમી પાર્ટી એડિચોટીનું જોર લગાવી રહ્યા છે.છેલ્લાં કેટલાંક દિવસથી ત્રણેય પક્ષો રોડ શો, સભાઓ ગજવી રહ્યા છે.ત્યારે આજે મનપાની ચૂંટણીમાં છેલ્લાં દિવસે ભાજપનું શક્તિ પ્રદર્શન જોવા મળ્યું છે.પેથાપુરથી કુડાસણ સુધી ભાજપનો ભવ્ય રોડ શો શરૂ થઈ ગયો છે.આ રોડ શોમાં રાજ્યના સીએમ ભુપેન્દ્ર પટેલ, સી.આર.પાટીલ,ભુપેન્દ્રસિંહ ચુડાસમા સહિતના નેતાઓ ખુલ્લી જીપ્સીમાં સવાર થયા છે.તેમના સમર્થનમાં હજારો કાર્યકો અને લોકો જોડાયા છે.ગાંધીનગરમાં આજનું દ્રશ્ય ખરેખર ચિંતા જનમાવે તેવું છે.
બીજી બાજુ ગાંધીનગર કોર્પોરેશન હસ્તગત કરવાં કોંગ્રેસ અને આમ આદમી પાર્ટી પણ એડીચોટીનું જોર લગાવી રહ્યા છે અને તેઓ ભાજપની જેમ ભવ્ય રોડ શો કરવાના હોવાની માહિતી મળી રહી છે.આ રોડ શોમાં મુખ્યમંત્રી ભુપેન્દ્ર પટેલ અને પ્રદેશ અધ્યક્ષ દ્વારા 20 કિલોમીટર લાંબો રોડ શો યોજીને શક્તિ પ્રદર્શન કરવામાં આવનાર છે.ગાંધીનગરની જનતાનો વિશ્વાસ જીતવા માટે ત્રણેય પક્ષો મરણિયા પ્રયાસો કરી રહ્યા છે.
ગાંધીનગરમાં ભાજપનો રોડ શો
ગાંધીનગરમાં આજે ભાજપ મુખ્યમંત્રી ભુપેન્દ્ર પટેલ અને પ્રદેશ અધ્યક્ષ સી.આર. પાટીલ સહિત અનેક મોટા નેતાઓ સાથે ભવ્ય અને લાંબો રોડ શો હાથ ધરવામાં આવ્યો છે.જેના ભાગરૂપે 11 વોર્ડમાં ભાજપના ઉમેદવારો દ્વારા રેલી કાઢવામાં આવી છે અને થોડી વાર પછી તમામ વોર્ડની રેલી પેથાપુર ભેગી મહારાણા પ્રતાપ સર્કલ ભેગી થશે. જ્યાંથી મુખ્યમંત્રી અને પ્રદેશ અધ્યક્ષના રોડ શોમાં જોડાઈ જશે.
20 કિલોમીટર લાંબા રોડશોનો પ્રારંભ પેથાપુર મહારાણા પ્રતાપ સર્કલથી શરૂ થશે અને ત્યાંથી મોટા ઘ-6, નાના ગ-6, ખ-5 સર્કલ કડી વિદ્યાલય, ઘ – 5 બસ સ્ટેન્ડ, ઘ – 3 પથીકાશ્રમ સર્કલ થઈ સેકટર 3/એ હાઈટેક હોસ્પિટલ, ગ – 1, સાર્થક મોલથી સરગાસણ ચોકડી પસાર કરી રિલાયન્સ ચાર રસ્તા થઈ કુડાસણ સરદાર પટેલની પ્રતિમાએ પૂર્ણ થવાની છે.
