ગુજરાતમાં આમતો દારૂબંધી માત્ર નામની જ છે અને હપ્તારાજ ચાલતા હોવાના અગાઉ ભાંડાફોડ થઈ ચૂક્યા છે જોકે,હવે ગુજરાતમાં પણ 58 જેટલી હોટલોમાં દારૂની પરમીટ અપાઈ છે હવે ગુજરાતમાં વધુ પાંચ હોટલોને દારૂની પરમીટ આપવામાં આવતા દારૂના શોખીનો જાહેરમાં ટેબલ ઉપર બેસી દારૂની ચૂસકીઓ લઈ શકશે.રાજ્ય સરકારના ગૃહ વિભાગ દ્વારા વધુ 5 હોટેલોને લિકર પરમિટ મળતા પ્રવાસીઓને અને પરમિટ ધરાવતા દારૂના શોખીન લોકો હોટલના ટેબલ ઉપર બેઠા બેઠા દારૂનો ઓર્ડર કરી શકશે.
આ હોટેલો વિદેશથી અને અન્ય રાજ્યોમાંથી તેમની હોટેલમાં આવતા લોકોને પરમિટ પણ આપી શકશે.મહત્વનું છે કે રાજ્યમાં હાલ 58 હોટેલોને લિકર શોપની પહેલેથી જ પરવાની આપવામાં આવી છે જેમાં વધુ 5 હોટેલોને મંજૂરી મળતા હવે રાજ્યમાં કુલ 64 હોટેલમાં વિદેશી દારૂ ઉપલબ્ધ છે.અમદાવાદ જિલ્લામાં હાલ આવી દારૂની પરમીટ ધરાવતી 19 હોટેલો છે જેમાં એક હોટેલનો ઉમેરો થતા કુલ 20 હોટેલમાં દારૂ મળી રહેશે.
અમદાવાદ ઉપરાંત સુરત,ભાવનગર,ગોંડલ અને રાજુલા ખાતેની હોટેલોને મંજૂરી આપવામાં આવી છે.રાજ્યમાં પ્રવાસનનો વ્યાપ વધારવાના ભાગરૂપે તેમજ વાઇબ્રન્ટ સહિતની આંતરરાષ્ટ્રીય કોન્ફરન્સમાં દેશ- વિદેશથી આવતા મહેમાનો તથા પ્રવાસીઓની સુવિધાના ભાગરૂપે સરકાર ફાઇવસ્ટાર અને ઉચ્ચ રેન્ક ધરાવતી હોટેલોને લિકર પરમિટ આપી રહી છે.જે હોટેલોને વિદેશી દારૂ વેચવાની મંજૂરી મળી છે તેમાં હોટેલ તાજ સ્કાયલાઇન (યુનિટ ઓફ સંકલ્પ ઇન), શીલજ- અમદાવાદ,હોટેલ કોર્ટયાર્ડ બાય મેરિયોટ (યુનિટ ઓફ ગુજરાત જેએચએમ હોટેલ્સ લિ.) ભાટપોર- સુરત,હોટેલ લીલા ટ્રેડ લિંક પ્રા.લિ,ભાવનગર,ઓર્કાર્ડ પેલેસ એચજીએચ હોટેલ્સ એલએલપી,હજુર પેલેસ કેમ્પસ,ગોંડલ- રાજકોટ અને હોટેલ લાયન પેલેસ,હિન્ડોરણા રોડ, રાજુલા- અમરેલી નો સમાવેશ થાય છે.
