– અત્યાર સુધી પુરુષ કર્મચારીઓ માટેના પ્રોટેક્ટર વાપરવા પડતાં હતા જે અનુકૂળ નહોતા
અમદાવાદ : અત્યાર સુધી રેલી,સરઘસ,રાયોટિંગ અને કોમવાદના તોફાનો ફાટી નીકળે અથવા પત્થરમારો થાય તેવી ઘટનાઓ બને ત્યારે મહિલા પોલીસની દયનીય પરિસ્થિતિ હોય છે.પરંતુ સરકારે હવે મહિલા પોલીસ સુરક્ષિત રહે તે માટે ફૂલ બોડી પ્રોટેક્ટરની વ્યવસ્થા કરી દીધી છે.સરકારના પ્લાનિંગ અને મોડર્નાઈઝેશનના વિભાગે લૉ એન્ડ ઓર્ડર કંટ્રોલ કરવાનો હોય ત્યારે તેમની સુરક્ષા માટે ૨૨૩૭ નંગ ફૂલ બોડી પ્રોટેક્ટર આપી દીધા છે.જેની અંદાજિત કિંમત સવા બે કરોડ રૂપિયા જેટલી થાય છે.અત્યાર સુધી પુરૂષ પોલીસ કર્મચારીઓને જ ફૂલ બોડી પ્રોટેક્ટર આપવામાં આવ્યા હતાં.અગાઉ જ્યારે કોઈ અનિચ્છનિય ઘટના બની હોય ત્યારે મહિલા પોલીસે પુરૂષોના બોડી પ્રોટેક્ટરનો ઉપયોગ કરવો પડતો હતો.જેના કારણે મહિલાપોલીસ સરળતાથી પોતાની કામગીરી કરી શકતી નહોતી.
ફ૨જ બજાવવામાં ખૂબજ તકલીફ પડતી હતી
પ્લાનિંગ અને મોર્ડનાઈઝેશનના એડિશનલ ડીજીપી ખુરશીદ અહેમદે આ અંગે જણાવ્યું છે કે, ગુજરાતના ઈતિહાસમાં સૌપ્રથમવાર મહિલા પોલીસની સુરક્ષા માટે ફૂલ બોડી પ્રોટેક્ટર અમે વસાવ્યા છે.ગુજરાતના અમદાવાદ,વડોદરા,સુરત અને રાજકોટ પોલીસ કમિશનરેટમાં સૌ પ્રથમ અમે ૨૨૩૭ નંગ ફૂલ બોડી પ્રોટેક્ટર મહિલા પોલીસની સુરક્ષા માટે આપ્યાં છે.અત્યાર સુધી મહિલા પોલીસને પુરૂષ પોલીસ કર્મચારીઓના ફૂલ બોડી પ્રોટેક્ટર વાપરવા પડતાં હતાં.જેના કારણે કોઈ અનિચ્છનિય ઘટના વખતે મહિલા પોલીસ કર્મચારીઓની તેમની ફ૨જ બજાવવામાં ખૂબજ તકલીફ પડતી હતી.
હવે તબક્કાવાર અન્ય જિલ્લાઓમાં અપાશે
ચાર કમિશનરેટમાં આ ફૂલ બોડી પ્રોટેક્ટર મહિલા પોલીસ કર્મચારીને આપ્યા બાદ હવે તબક્કાવાર અન્ય જિલ્લાઓમાં પણ આપવામાં આવશે.મહિલા પોલીસને કામમાં સુગમતા પડે તે માટે સાડા ત્રણ કિલો વજનનું આ ફૂલ બોડી પ્રોટેક્ટર આપવામાં આવ્યું છે.આ ઉપરાંત હેલ્મેટ પણ આ કીટમાં આપવામાં આવ્યું છે.અમદાવાદ શહેરમાં ૭૯૪, સુરત શહેરમાં ૫૪૩, વડોદરા શહે૨માં ૫૦૦ અને રાજકોટમાં ૪૦૦ મળીને કુલ ૨૨૩૭ ફૂલ બોડી પ્રોટેક્ટર પ્લાનિંગ અને મોર્ડનાઈઝેશન ડિપાર્ટમેન્ટે આપી દીધા છે. જેથી કાયદો અને વ્યવસ્થાની સ્થિતિને કંટ્રોલ કરવામાં મહિલા પોલીસને સરળતા રહેશે.
