ગુજરાત વિધાનસભાની ચૂંટણી માટે તમામ પક્ષો પોતાની તાકાત જોખી રહ્યા છે.તેવામાં સત્તાપક્ષ ભાજપને મજબૂત ટક્કર આપતી આમ આદમી પાર્ટીના બીજા નંબરના નેતા ગણાતા અને વિધાનસભાની ચૂંટણીના ઉમેદવાર એવા ગોપાલ ઇટાલિયાનો વિડીયો સોશિયલ મીડિયામાં વાયરલ થયો છે.આ વિડીયો ગુજરાત ભાજપ દ્વારા શેર કરવામાં આવ્યો છે.વિડીયોમાં ગોપાલ ઇટાલિયા કહે છે કે, આત્મવિશ્વાસ પૂર્વક કહું છું…ગુજરાતમાં દંભી પ્રજા છે.આ વિડીયો ગોપાલ ઇટાલિયાના મતદારોને વિમુખ કરવા સક્ષમ હોવાનો મત નિષ્ણાંતોએ વ્યક્ત કર્યો છે.
ગોપાલ ઇટાલિયાની ગુજરાતીઓ પ્રત્યેની નબળી માનસિકતા
અરવિંદ કેજરીવાલના ખાસ ગોપાલ ઇટાલિયા એક સમયે ગુજરાતની પ્રજાને દંભી અને ઢોંગી કહેતો હતો અને આજે ચૂંટણી ટાણે ગુજરાતની પ્રજાને કોણીએ ગોળ લગાવી રહ્યો છે. #ગુજરાત_વિરોધી_આપ#AAPExposed#AapKePaap pic.twitter.com/W8VuM1ane9
— BJP Gujarat (@BJP4Gujarat) November 15, 2022
આમ આદમી પાર્ટીમાં બીજા નંબરના નેતા કહેવાતા ગોપાલ ઇટાલિયાના અગાઉ પણ ભાજપ અને પીએમ મોદી વિરૂદ્ધ અશોભનિય ટીપ્પણી કરતા વિડીયો સોશિયલ મીડિયામાં વાયરલ થયા હતા.જો કે, આમ આદમી પાર્ટી દ્વારા મુખ્યમંત્રી પદના ઉમેદવારની જાહેરાત કરાતા જ જૂના વિડીયો ભુલાઇ ગયા છે.તેવામાં આજે ભાજપના સત્તાવાર ટ્વીટર એકાઉન્ટ દ્વારા ગોપાલ ઇટાલિયાનો એક વિડીયો શેર કરવામાં આવ્યો છે.વિડીયો 31 સેકંડનો છે.જેમાં ગોપાલ ઇટાલિયા ગુજરાતીઓનું અપમાન કરતા હોવાનો દાવો કરવામાં આવ્યો છે.વિધાનસભાની ચૂંટણી પહેલા આ વિડીયો વાયરલ થવાને કારણે ગોપાલ ઇટાલિયાથી મતદારો વિમુખ થઇ શકે છે,તેવો મત નિષ્ણાંતોએ વ્યક્ત કર્યો છે.
વિડીયોમાં ગોપાલ ઇટાલિયા કહે છે કે, દંભી પ્રજા,નાટકબાજ,ઢોંગી દેખાડા કરવા વાળી પ્રજા વિશ્વના કોઇ ખુણામાં હશે.આમ તો હું ફર્યો નથી.એટલે હું ખાતરી પૂર્વક નથી કહેતો,પણ આત્મવિશ્વાસ પૂર્વક કહું છું.આ દેશમાં અને ખાસ કરીને ગુજરાતમાં રહીએ એટલે મને તો એવું લાગે ગુજરાતમાં જેટલી દંભી પ્રજા છે.દેખાડા સિવાય કોઇ વાત નહિ.જે છે જ નહિ તે દેખાડા સિવાયની કોઇ વાત નહિ,તેવી પ્રજા ફક્તને ફક્ત ગુજરાતમાં છે તેવું મને લાગે છે.
