સીએમઓના સચિવ અશ્વિની કુમારે સરકારના નિર્ણયો અંગે માહિતી આપતાં જણાવ્યું કે ગઈ કાલે સાંજે મુખ્ય પ્રધાનની અધ્યક્ષતામાં બેઠક મળી હતી. મહાનગરોમાં કોરોનાના કેસ વધુ છે,જેના કારણે લૉકડાઉનનું ચુસ્ત પાલન કરવું પડશે.રાજ્ય સરકારે કોરોનાગ્રસ્ત શહેરો અને જિલ્લાઓમાં વધુ કડકાઈનો નિર્ણય કર્યો છે.અમદાવાદ,સુરત,વડોદરા,ભાવનગર,ગાંધીનગર જેવાં મહાનગરોમાં કોઈ છૂટછાટ નહીં અપાય.રાજકોટ ભલે ઑરેન્જ ઝોનમાં હોય,પણ રાજકોટ મહાનગરને પણ રેડ ઝોન જ લાગુ રહેશે.રાજકોટ શહેરને પણ કોઈ વધુ છૂટછાટ નહીં અપાય.આગામી બે અઠવાડિયાંમાં કોરોનાનું સંક્રમણ ઘટાડી બહાર આવવાનો લક્ષ્યાંક બનાવાયો છે.૬ નગરપાલિકા વિસ્તારોમાં પણ કોઈ છૂટછાટ નહીં.બોટાદ,બોપલ,ગોધરા,ઉમરેઠ,ખંભાત,બારેજા નગરપાલિકા વિસ્તારોમાં પણ પ્રતિબંધ યથાવત રહેશે.
લૉકડાઉન ત્રીજી વખત વધારવામાં આવ્યું છે ત્યારે પાસ માટે કે અન્ય માટે અપ્લાય કરવાનું રહેશે નહીં.અગાઉ જિલ્લા કલેક્ટર દ્વારા પાસ આપવામાં આવ્યા છે એ જ ચાલશે.અમદાવાદ,વડોદરા,સુરત,ગાંધીનગર,ભાવનગર અને રાજકોટ જેવા છ શહેરી વિસ્તારમાં લૉકડાઉનનું કડકપણે પાલન કરાવવામાં આવશે.દૂધ,દવા,કરિયાણા, શાકભાજી સિવાયની દુકાનો ચાલુ કરવા દેવામાં નહીં આવે.જૂનાગઢ અને જામનગર સહિતના શહેરી વિસ્તારોમાં લોકોને તબક્કાવાર રીતે સોશ્યલ ડિસ્ટન્સિંગ સાથે છૂટ આપવામાં આવશે જેમાં છ મહાનગરપાલિકા અને છ નગરપાલિકા સિવાયના વિસ્તારો છે.ગ્રીન ઝોનમાં જ એસટીની સેવાઓ ચાલુ કરવામાં આવશે.
તેમણે જણાવ્યું કે હિન્દુઓના તહેવારોમાં પોલીસ તંત્ર દ્વારા અને સ્વેચ્છાએ નાગરિકો દ્વારા ઉજવણી બંધ રાખવામાં આવી હતી.એવી જ રીતે રમઝાન માસમાં પણ મુસ્લિમ ભાઈઓને અપીલ છે કે ઘરમાં રહીને જ રમઝાન ઊજવે. પોલીસ અને વહીવટી તંત્ર દ્વારા શક્તિથી પાલન કરાવવામાં આવશે.જે પ્રકારે કેસો અને મૃત્યુનું પ્રમાણ વધી રહ્યું છે એ જોતાં મુસ્લિમ બિરાદરોને અપીલ કરીએ છીએ કે ઘરમાં રહીને તહેવાર ઊજવે.રાત્રે સાત વાગ્યાથી સવારે સાત વાગ્યા સુધી ઘરની અંદર જ રહેવાનું રહેશે.કોઈને પણ બહાર અવરજવર કરવા દેવામાં નહીં આવે.એનું સખતાઈથી પાલન કરવા માટે વહીવટી તંત્રને સૂચના આપવામાં આવી છે.
કઈ છૂટછાટ મળશે અને કઈ નહીં ?
• કોઈ પણ ઝોનમાં છૂટ નહીં મળે.
• દારૂની પરમિટવાળી દુકાનો પણ બંધ રહેશે.
• પાન માવા-મસાલાની દુકાનો બંધ રહેશે. બે અઠવાડિયાં સુધી પાનમસાલાની દુકાન રાજ્યમાં સંપૂર્ણ બંધ રહેશે.
• ઑરેન્જમાં છૂટછાટ આપવામાં આવી છે.
• નાઈની દુકાન, ચાની દુકાન, બ્યુટી-પાર્લરને પણ ચાલુ કરવામાં આવશે
• જે દુકાનો મૉલમાં નથી કે ગીચ વિસ્તારમાં નથી એવી દુકાનો ખોલી શકાશે
• ઑરેન્જ અને ગ્રીન ઝોનમાં ટૅક્સી અને કૅબની સેવાઓ પણ ચાલુ કરી શકાશે. જોકે એના માટે વન પ્લસ ટૂના નિયમનું પાલન કરવું પડશે
• એસ.ટી.ની બસ ૫૦ ટકા ની કૅપેસિટી સાથે ચાલુ રાખવાની રહેશે
• ૩૦થી વધુ મુસાફરોને બેસાડી નહીં શકાય
