સાપુતારા : ડાંગ જીલ્લા માં સિંચાઇ વિભાગ ના જળ સ્ટોરેજ માટે બનાવવામાં આવેલા ચેકડેમોના નિર્માણ કરવામાં નકરી ગેરરીતિ આચરવામાં આવતા હાલ ઉનાળા ની સિઝન માં તળાવ ની ગરજ સારતા અનેક ચેકડેમો ખોખલા બનતા સરકારના કરોડો રૂપિયા એળે જઈ રહ્યા હોવાનુ સ્પષ્ટ પણે જણાઇ રહયુ છે
પ્રાપ્ત માહિતી મુજબ ગુજરાતના મીની ચેરાપુજી ગણાતા ડાંગ જીલ્લા માં સિંચાઇ વિભાગ દ્વારા ચોમાસા દરમિયાન વરસાદી પાણીનો સંગ્રહ થઇ શકે અને ચોમાસું ખેતી પર નભતા આદિવાસી ખેડુતો ઉનાળુ ખેતી પાક લઇ પગભર બને તેવા સરકાર શુભ આશયથી ચેકડેમો માટે લાખો રૃપિયાની ગ્રાંટની ફાળવણી કરવામાં આવે છે.પણ સિંચાઇ માટે પાણી સંગ્રહ કરવા માટે બનાવવામાં આવેલા ચેકડેમોના નિર્માણ કાર્ય માં એજન્સી ની લાપરવાહી થી નબળા બાંધકામને લીધે આખરે એક જ વર્ષમાં ચેકડેમો આખેઆખા ઉખડી ને ખોખલા બની રહ્યા છે.વધુ માં સિંચાઇ વિભાગ દ્વારા ચેકડેમોના બાંધકામ માટે સ્થળ પસંદગી કરવામાં પણ કોઇ ગંભીરતા દાખવવામાં આવી નથી અને ચેકડેમોની કામગીરી સિંચાઇ વિભાગ દ્વારા એજન્સીઓને સોંપવામાં આવ્યા બાદ જે બાંધકામ પ્રત્યે સિંચાઇ વિભાગ ના ભ્રષ્ટઅધિકારી દ્વારા પુરતી દેખરેખ ના કારણે ચેકડેમોના પાયાની કામગીરી થતી જ નથી.મોટાભાગે કોન્ટ્રાકટર દ્વારા અધિકાર ઓની સુચક ગેરહાજરી ના કારણે નિમ્નકક્ષાના મટિરિયલ્સનો ઉપયોગ કરી નદી ના પથ્થરોનું પુરાણ કરીને ચેકડેમો બનાવી દેવામાં આવે છે.જેના કારણે પ્રથમ વરસાદમાં જ ચેકડેમોનું ધોવાઈ જતા હોય છે જયારે સિંચાઇ વિભાગ દ્વારા ગત્ વર્ષે બનાવા માં આવેલ ચેકડેમોના બેહાલ થતા તૂટયા ફૂટયા ચેકડેમો ના ઠેર-ઠેર દર્શન થઇ ડાંગ ના ત્રણે તાલુકા થઇ રહયા છે જેમાં વઘઇ ના બોરીગાંવઠાખાતે ખાપરી નદી પર બનેલો સિંચાઇ વિભાગ નો ચેકડેમો વર્ષો થી ખખડધજ બનેલો વરસાદી પાણીનો સંગ્રહ કરવામાં અસમર્થ બન્યો હોવાની ગવાહી પુરી રહયો છે જે બાબતે સ્થાનિક ખેડુતો તે જણાવ્યું હતુ કે ચેકડેમોમાં જો વરસાદી પાણીનો સંગ્રહ થાય તો સિચાંઇ તેમજ જંગલમાં વસવાટ કરતા વન્ય પ્રાણીઓ, પંખીઓ સહિતની જીવસૃષ્ટિ તરસ છીપાવી શકે.પરંતુ સિંચાઇ વિભાગ ની ચેકડેમ યોજના મૃતપ્રાય અવસ્થામાં પહોંચી જતા આદિવાસી ખેડુતો એ ઉનાળા પાકા લેવા પાણી માટે વલખા મારવા પડે તેવી સ્થિતિ સર્જાઇ છે.ડાંગ જિલ્લા માં સિંચાઇ વિભાગ દ્વારા બનાવેલા ચેકડેમો કેટલા પરિણામલક્ષી બન્યા છે જેની તપાસ થાય તો મોટાભાગના ચેકડેમો તૂટેલી હાલતમાં જોવા મળી રહે છે.તેમજ ચેકડેમોમાં જે સ્થળ પર પાણીનો સંગ્રહ થવો જોઇએ, ત્યાં માટી-ઝાડીઝાંખરાના થર જામી ગયેલા જોવા મળે તેવી સ્થિતિ છે ત્યારે સરકારના લાખો રૂપિયાનું આંધણ ચેકડેમોના ઓથા હેઠળ થઇ રહ્યું હોય જે મુદ્દે સિંચાઇ વિભાગ ના ઉચ્ચ અધિકારી ગંભીરતા દાખવે એવી આદિવાસી ખેડુતો ની માંગ ઉઠવા પામી છે
