– ગુજરાતના 62 તાલુકામાં વાવાઝોડાની અસર,રાજ્યના 9 તાલુકામાં 4 ઈંચથી વધુ વરસાદ
– 15 જૂને આ વાવાઝોડું કચ્છના માંડવી અને પાકિસ્તાનના કરાચી વચ્ચે ટકરાશે તેવી આગાહી
વાવાઝોડા સામે લડવા તૈયાર છીએ : અમિત શાહ
કેન્દ્રિય ગૃહ મંત્રી અમિત શાહે વાવાઝોડાની તૈયારીઓની કરી સમીક્ષા કરી હતી.તેમણે કહ્યું કે, વાવાઝોડા સામે લડવા કોઈ પણ પરિસ્થીતીમાં તૈયાર છીએ.આપણું ડિઝાસ્ટર મેનેજમેન્ટ પહેલા કરતા વધુ મજબુત બનાવ્યું છે અને તે બિપરજોય વાવાઝોડા સામે લડવા માટે તૈયાર છે.દરિયા કિનારાના વિસ્તારો પર NDRFની ટીમો તૈનાત કરવામાં આવી છે.
બિપરજય વાવાઝોડાને પગલે આકસ્મિક સંજોગોમાં નીચે દર્શાવેલ નંબરનો સંપર્ક કરી શકશો
અંબાજીમાં દિવસ સુધી રોપ-વે સેવા બંધ
આજથી 4 દિવસ સુધી યાત્રાધામ અંબાજીમાં ગબ્બર પરની રોપ-વેની સેવા બંધ વાવાઝોડાના પગલે બંધ કરી દેવામાં આવી છે.સુરક્ષાને ધ્યાનમાં રાખી મંદિર ટ્રસ્ટે 16 જૂન સુધી રોપ-વે સેવા બંધ રાખવાનો નિર્ણય લીધો છે.
જામનગરમાં સ્થળાંતર કામગીરી
જામનગર જિલ્લાના નીચાણવાળા વિસ્તારો તેમજ દરિયાકાંઠા નજીક રહેતા કુલ 3200 લોકોનું સ્થળાંતર કરાયું છે.આજે સાંજ સુધી કુલ 8500 લોકોને સ્થળાંતર સ્થળે ખસેડવામાં આવશે.જિલ્લાના 13 મીઠાના યુનિટો પર કામ કરતાં તમામ 355 અગિયારીઓને પણ આશ્રિત સ્થળો પર ખસેડવામાં આવ્યા છે.
ભાવનગરમાં પણ 14 અને 15 તમામ શાળાઓ બંધ
વાવાઝોડાને લઈ સૌરાષ્ટ્રના કેટલાક જિલ્લામાં વિધાર્થીઓને મુશ્કેલીના સર્જાઈ તે માટે શાળા-કોલેજોમાં રજા જાહેર કરાઈ છે.હાલ ભાવનગરમાં પણ 14 અને 15મી જૂને તમામ શાળાઓ બંધ રાખવા તંત્ર દ્વારા આદેશ બહાર પાડવામાં આવ્યો છે.
12:00 PM
વાવાઝોડું પોરબંદરથી 290 કિમી દૂર
વાવાઝોડું પ્રતિ કલાક 10 કિમીની ઝડપે ગુજરાત તરફ આગળ વધતું જોવા મળી રહ્યું છે.હાલ વાવાઝોડું પોરબંદરથી 290 કિમી દૂર છે.તો આવતી કાલ રાતથી સાયકલોન વધુ આક્રમક બનવાની સંભાવના છે. 15 જૂને માંડવીથી કરાચી વચ્ચે આ વાવાઝોડું ટકરાશે.
અંબાલાલ પટેલની મોટી આગાહી
હવામાન નિષ્ણાંત અંબાલાલ પટેલે રાજ્યમાં વાવાઝોડાની અસરને લઈ મોટી આગાહી કરી છે.તેમણે કહ્યું છે કે, 15 જૂન સુધી વાવાઝોડાની અસર રહેશે.ઉપરાંત રાજ્યમાં 16 જૂનથી 20 જૂન સુધી વરસાદની સંભાવના છે.અંબાલાલની આગાહી પ્રમાણે મોરબી, રાજકોટ, અમદાવાદ, વડોદરામાં ભારે પવન સાથે વરસાદ રહેશે.
15 જૂનના રોજ ગુજરાતના ત્રણ જિલ્લાઓમાં રેડ એલર્ટ
15 જૂનના રોજ ગુજરાતના ત્રણ જિલ્લાઓમાં હવામાન વિભાગ દ્વારા રેડ એલર્ટ જાહેર કરવામાં આવ્યું છે. 15 જૂને કચ્છ, જામનગર અને દેવભૂમિ દ્વારકામાં રેડ એલર્ટ જાહેર કરવામાં આવ્યું છે.અહીં ભારેથી અતિ ભારે વરસાદ વરસી શકે છે.તો મોરબી, રાજકોટ,જૂનાગઝ અને પોરબંદરમાં ઓરેન્જ એલર્ટ જાહેરવામાં આવ્યું છે.
આવતીકાલે કચ્છ અને દ્વારકામાં રેડ એલર્ટ
આવતીકાલે કચ્છ અને દ્વારકામાં રેડ એલર્ટ જારી કરવામાં આવ્યું છે,આવતીકાલે કચ્છ અને દેવભૂમિ દ્વારકામાં ભારેથી અતિ ભારે વરસાદ વરસી શકે છે.જ્યારે મોરબી,જામનગર અને પોરબંદરમાં ઓરેન્જ એલર્ટ જાહેર કરવામાં આવ્યું છે.ઉપરાંત રાજકોટ અને જૂનાગઢમાં યલો એલર્ટ જાહેર કરવામાં આવ્યું છે.
આજે દ્વારકા અને પોરબંદરમાં રેડ એલર્ટ
હવામાન વિભાગ દ્વારા આપેલ માહિતી અનુસાર આજે ગુજરાતના દ્વારકા અને પોરબંદરના કેટલાક વિસ્તારોમાં ભારેથી અતિભારે વરસાદની આગાહી છે.આજે દ્વારકા અને પોરબંદરમાં રેડ એલર્ટ જાહેર કરવામાં આવ્યું છે.
