પણજી : દિલ્હીના મુખ્યમંત્રી અને આમ આદમી પાર્ટીના રાષ્ટ્રીય સંયોજક અરવિંદ કેજરીવાલે આજે ગોવામાં પાર્ટીના મુખ્યમંત્રીના ચહેરાની જાહેરાત કરી છે.તેમણે જાહેરાત કરી કે આ વખતે અમિત પાલેકર ગોવા વિધાનસભા ચૂંટણીમાં આપ પાર્ટી તરફથી મુખ્યમંત્રી પદના ઉમેદવાર હશે.
અરવિંદ કેજરીવાલે કહ્યું કે,અમિત પાલેકર વ્યવસાયે વકીલ છે અને ભંડારી સમુદાયમાંથી આવે છે.અમિત ગોવાના દરેક સમુદાયના લોકોની મદદ કરી રહ્યા છે.તેમણે કોરોના દરમિયાન સૌથી વધુ મદદ કરી છે.ગોવામાં ભંડારી સમુદાયના લોકોને પ્રગતિથી વંચિત રાખવામાં આવ્યા છે.
કેજરીવાલે કહ્યું કે,ગોવાના લોકો હાલની પાર્ટીઓથી કંટાળી ગયા છે.ગોવાના લોકો પરિવર્તનની માંગ કરી રહ્યા છે.તેમની પાસે વિકલ્પો નહોતા,પરંતુ હવે આમ આદમી પાર્ટી આવી ગઈ છે.મને પૂરો વિશ્વાસ છે કે જનતા અમિત પાલેકરને સમર્થન આપશે અને ચોક્કસપણે આમ આદમી પાર્ટીને તક આપશે.
ઉલ્લેખનીય છે કે,અમિત પાલેકર વ્યવસાયે વકીલ છે પરંતુ હાલમાં તેઓ ખૂબ ચર્ચામાં છે.અમિત પાલેકરે કોરોના સમયગાળા દરમિયાન લોકોને ઘણી મદદ કરી.તેમણે એક સ્થાનિક હોસ્પિટલને 135 બેડ દાનમાં આપ્યા હતા.દર્દીઓને સારવાર આપવા ઉપરાંત તેમણે લોકડાઉનમાં મુસાફરી કરી રહેલા પરિવારોને પણ મદદ કરી હતી.છેલ્લી ચૂંટણીમાં તેમણે આમ આદમી પાર્ટી માટે ડોર ટુ ડોર પ્રચાર કર્યો હતો.
