કોરોના વાયરસ (COVID-19)ને કારણે આખા વિશ્વમાં હાહાકાર ફેલાયો છે. કોરના જાણે લોકોના મનમાં ઘુસી ગયો છે.કોરોનાના ડર વચ્ચે પણ ઘણા લોકો વા હોય છે જે મસ્તી-મજાક કરવાનું છોડતા નથી. ઉત્તરપ્રદેશના હરદોઈ જીલ્લામાં તાજેતરમાં એક અજાયબ ઘટના બની હતી.ઘરના દરવાજા પર એક એન્વલપની અંદર કોઈ પત્ર મુકી ગયું જેમાં લખ્યું હતું કે,’હું કોરોના છું તમારા ઘરે આવ્યો છું.’
બુધવારે બનેલી આ ઘટનામાં હરદોઈ જીલ્લામાં એક મકાનની બહાર શંકાસ્પદ પત્ર મળ્યો. પત્રની અંદર બે રૂપિયાની નોટ હતી અને કવર પર લખ્યું હતું કે,’હું કોરોના છું તમારા ઘરે આવ્યો છું.’ઘરમાલિકે જ્યારે આ પત્ર વાચ્યો ત્યારે તેના હોશ ઉડી ગયા હતા.તેમને લાગ્યું કે કોઈક બે રૂપિયાની નોટને કોરોના સંક્રમિત કરીને મુકી ગયું છે.ઘરમાલિકે તાત્કાલિક પોલીસને જાણ કરી હતી.હરદોઈ જીલ્લાના એએસપી જ્ઞાનજય સિંહે કહ્યું હતું કે,આ ઉપજ કોઈ ખુરાફાતી દિમાગની છે.આ બાબતે તપાસ કરવામાં આવશે કે આ પ્રકારની મજાક કોણે કરી અને શા માટે લોકોમાં ડર વધારવાના પ્રયત્નો કર્યા.
