ચીખલી : ચીખલી પોલીસે બે અલગ અલગ જગ્યાએથી રૂ.૮૭,૬૯૦/- ના દારૂના જથ્થા સાથે એક વ્યક્તિને ઝડપી પડ્યો હતો જ્યારે અન્ય એકને વોન્ટેડ જાહેર કરી વધુ તપાસ હાથ ધરી છે.
પોલીસ સૂત્રો પાસેથી પ્રાપ્ત માહિતી અનુસાર ચીખલી પોલીસે પૂર્વ બાતમીના આધારે તાલુકાના આમધરા નવાનગર ખાતે રહેતા વિજય ભીખુભાઇ હળપતિ (ઉ.વ-૪૧) ના ઘરે રેડ કરતા ઘરની અંદરના ભાગેથી વિદેશી દારૂની નાની મોટી બોટલ નંગ-૮૩ કિંમત રૂ.૩૬,૩૪૦/- મળી આવતા જે અંગે પાસ પરમીટ માંગતા ન હોવાનું જણાવતા વિજય હળપતિની ધરપકડ કરી હતી.જ્યારે બીજા બનાવમાં પીપલગભણ ગામના ખૂટી આંબા ફળીયા ખાતે રહેતા લાલુ ઉર્ફે શૈલેષ ખંડુભાઈ પટેલના રહેણાંક મકાનની બહાર એક જૂની પિયાગો રીક્ષા નં:જીજે-૨૧-ટી-૩૨૦ માં પાછળના ભાગે સંતાડેલ વિદેશી દારૂની નાની મોટી બોટલ નંગ:૭૭૭ કિંમત રૂ.૫૧,૩૫૦/- મળી આવતા પોલીસે પિયાગો રીક્ષા કિંમત રૂ.૨૦,૦૦૦/- મળી કુલ્લે રૂ.૭૧,૩૫૦/- ના મુદ્દામાલ કબ્જે કરી લાલુ ઉર્ફે શૈલેષ પટેલને વોન્ટેડ જાહેર કર્યો હતો.
