ચીખલી : નવસારી એલસીબી પોલીસે બોડવાંક ગામ પાસેથી દારૂ ભરેલ કાર સાથે બે ને ઝડપી પાડી રૂ.૭.૧૩ લાખનો મુદ્દામાલ કબ્જે કર્યો.જ્યારે કાર ચાલક, ક્લીનર અને દારૂ ભરાવનારને વોન્ટેડ જાહેર કર્યા હતા.
પોલીસ સૂત્રો પાસેથી મળતી માહિતી અનુસાર નવસારી એલસીબી પોલીસની ટીમ ચીખલી નજીક પેટ્રોલીંગમાં હતી દરમ્યાન બાતમી મળી હતી કે એક ગોલ્ડન બ્રાઉન કરલરની હોન્ડા સીટી નં:જીજે-૧૫-સીબી-૫૭૮૨ માં દારૂ ભરી રાનકુવા ટાંકલ થઈ જનાર છે.જે હકીકત બાતમીના આધારે એલસીબી પોલીસની ટીમે ટાંકલ ચાર રસ્તાથી બોડવાંક તરફ જતા રોડ ઉપર નાકાબંધીમાં હતા.દરમ્યાન બાતમી મુજબની હોન્ડા સીટી કાર આવતા જેને સરકારી લાકડી તેમજ પોલીસનું બોર્ડ બતાવી ઉભી રાખવાનો ઈશારો કરતા કાર ચાલકે પોતાના કબ્જાની કાર ટાંકલથી સરૈયા ત્રણ રસ્તાથી ચિતાલી-જોગવાડ-બોડવાંક તરફ જતા રોડ ઉપર પુરઝડપે હંકારતા નવસારી એલસીબી પોલીસે કાર ચાલકનો પીછો કરતા દરમ્યાન બોડવાંક ગામતળ પાસે કાર ચાલકે સ્ટેરિંગ ઉપરનો કાબુ ગુમાવતા કાર રોડની સાઈડે ઉતરી ઝાડ સાથે અથડાવી દઈ કાર ચાલક અને ક્લીનર કાર મૂકી ભાગી છૂટ્યા હતા.જ્યારે કારની પાછળની સીટ ઉપર બેસેલ રાહુલ બલ્લુભાઈ હળપતિ (રહે.ચણોદશાક ફળીયા તા.વાપી.જી.વલસાડ) તેમજ શ્રી કાંત નારણ સોરઠી (રહે.મોટી દમણ ઢોલર બારીયાવાડ તા.વાપી જી.વલસાડ) ને ઝડપી લઈ કારની તલાશી લેતા અંદરથી વિદેશી દારૂ તેમજ બિયરની નાની મોટી બોટલ નંગ ૧૧૩૪ જેની કિં.રૂ.૧,૪૨,૮૦૦/- તેમજ હોન્ડા સીટી કારની કિં.રૂ.૫ લાખ તેમજ ચાર મોબાઈલ કિં.રૂ.૯,૦૦૦/- મળી કુલ્લે રૂ.૬,૫૧,૮૦૦/- સાથે બે ને ઝડપી પાડ્યા હતા. જ્યારે કાર ચાલક મેહુલ હળપતિ (રહે.પાલિગામ બામણપુજા તા.વાપી જી.વલસાડ) તથા ક્લીનર દિવ્યેશ ઉર્ફે મામો ટંડેલ (રહે.મોટી દમણ તા.વાપી) તેમજ દારૂનો જથ્થો ભરાવનાર વિમલ બારી (રહે.મોટી દમણ તા.વાપી) એમ ત્રણ જેટલાને પોલીસ ચોપડે વોન્ટેડ જાહેર કરી વધુ તપાસ જલાલપોર પોલીસ મથકના પીએસઆઇ-કે.એમ.વસાવા કરી રહ્યા છે.
