– અમેરિકાના રાષ્ટ્રપતિ ડોનાલ્ડ ટ્રમ્પે કહ્યું- કોરોના વાયરસને કારણે તમામ દેશોને નુકસાન થયું છે
વોશિંગ્ટન,
કોરોના વાયરસને કારણે દુનિયાભર થયેલી લાખો લોકોના મોતની વચ્ચે અમેરિકાના રાષ્ટ્રપતિ ડોનાલ્ડ ટ્રમ્પે ચીન ફરીથી એક વખત હુમલો કર્યો છે.ટ્રમ્પે જણાવ્યું છે કે,ચીનની વિરુદ્ધ અત્યંત ગંભીર તપાસ થઈ રહી છે અને જો બેઈજિંગ સાબિત થશે તો તેના પર અબજોનો ડોલરનો દંડ ફટકારવામાં આવી શકાય છે.
અમેરિકાના રાષ્ટ્રપતિ ટ્રમ્પે મીડિયા સાથે વાત કરતા જણાવ્યું કે,તેમની સરકાર એ વાતની ગંભીર તપાસ કરી રહી છે કે,ગયા વર્ષે ચીનના વહુાન શહેરમાં કોરોના પ્રકોપની શરૂઆત બાદ શું થયું.તેમણે જણાવ્યું કે,અમે ચીનથી ખુશ નથી.અમારા મતે કોરોના વાયરસના સ્ત્રોતને રોકી શકાયો હોત.તે સમગ્ર વિશ્વમાં ફેલાયો જ નહતો.
જર્મનીમાં ચીન પાસેથી અબજો ડોલરના દંડ માગવાના સવાલ અંગે ટ્રમ્પે જણાવ્યું કે,અમારી પાસે એક સરળ રીત છે.જર્મની બધું જ જોઈ રહ્યું છે અને અમે પણ બધુ જ જોઈ રહ્યા છે. જર્મની જેટલા ડોલર માગવા મામલે વિચાર કરી રહ્યું છે તેનાથી વધારે દંડ અમે માગવા પર વિચાર કરી રહ્યા છે.અમે હજુ અંતિમ રકમ પર કોઈ નિર્ણય લીધો નથી. રકમ ખૂબ જ વધારે છે.
