બેઇજિંગ : ચીને અનેક વખત ભારત સહિત વિશ્વના અનેક વિસ્તારોમાં તેના અંકુશનો દાવો કરતું રહ્યું છે.તેણે વિવાદિત દક્ષિણ ચીનનો દરિયો,ફિલીપાઇન્સ,બ્રુનેઇ,મલેશિયા અને વિયેતનામ પર તેના અંકુશનો દાવો કર્યો છે.ચીને તો દક્ષિણ ચીનના દરિયામાં કૃત્રિમ બનાવટી દ્વીપસમૂહો અને લશ્કરી ક્ષમતાઓ પણ ઊભી કરી દીધી છે.ભારત,અમેરિકા અને વિશ્વના અન્ય દેશો પણ દક્ષિણ એશિયામાં ભારત-પેસિફિક વિસ્તારમાં મુક્ત ચર્ચાની વાત કરી રહ્યા છે.અંતે વડાપ્રધાન મોદીની મીટિંગ્સ અંગે જણાવતાં વિદેશ સચિવ વિનય કવાત્રાએ કહ્યું હતું કે ક્વોડ સમિટમાં થયેલી ચર્ચા રચનાત્મક રહી હતી.ક્વોડના વિવિધ એજન્ડામાં ક્વોડના દેશોમાં સહકાર માટે ક્યો માર્ગ સારો છે તેની પર ફોકસ પર ચર્ચા થઇ હતી.ક્વાત્રાએ ઉમેર્યું હતું કે નેતાઓએ ઇન્ડો-પેસિફિક પ્રાંતમાં પડકારો અને તકોની ચર્ચા કરી હતી.ચારેય નેતાઓએ વિવિધ આર્થિક અગ્રિમતાઓ પર પણ ચર્ચા કરી હતી.જેમાં કોરોનાને લગતી બાબતો જે જેમાં આરોગ્યના માળખાની બાબતમાં આરોગ્યની તૈયારીનો પણ સમાવેશ થતો હતો.
એક સંયુક્ત નિવેદનમાં ચારેય નેતાઓએ કહ્યું હતું કે ક્વોડના દેશો આંતરરાષ્ટ્રીય કાયદાને વળગી રહેશે.જેમાં યુએન કન્વેન્શન ઓન ધ લો ઓફ ધ સી(યુએનસીએલઓએસ)ને વળગી રહેવા ઉપરાંત નેવિગેશન અને ઓવરફ્લાઇટની આઝાદીને જાળવી રાખવાનો પણ સમાવેશ થાય છે.નિવેદનમાં ઉમેરાયું છે કે ક્વોડ પ્રાંતમાં ભાગીદારો સાથે સહકાર માટે પ્રતિબદ્ધ છે.આ દેશોએ બહુપક્ષીય સંસ્થાઓમાં સહકાર વધારવા સંમતિ દર્શાવી હતી.
