કોરોના વાયરસે સમગ્ર દુનિયાભરમાં હાહાકાર મચાવી રાખ્યો છે. આ વાયરસથી બચવા માટે ચીને એક મોટો નિર્ણય લીધો છે અને પોતાના દેશમાં બહારથી આવનારા લોકો પર પ્રતિબંધ મૂકી દીધો છે. ચીને ફોરેન નેશનલ લોકોના વીઝા અને રેસિડન્ટ પરમિટ કેન્સલ કરી દીધી છે. હવે ચીનમાં એરપોર્ટ અને પોર્ટ બંને દ્વારા એન્ટ્રી પ્રતિબંધિત થશે. હવે માત્ર ડિપ્લોમેટિક વીઝા રજૂ થશે.
ઉલ્લેખનીય છે કે, આ પહેલા ચીને કોરોના વાયરસની વિરુદ્ધ ભારત દ્વારા ઉઠાવવામાં આવેલ પ્રયાસોના વખાણ કર્યા હતા. ચીને કહ્યું હતું કે, કોરોના વાયરસની વિરુદ્ધ ભારત આ જંગ જીતી જશે.
દુનિયાભરમાં તબાહી મચાવનાર કોરોના વાયરસનું એપી સેન્ટર ચીનનું વુહાન કહેવાય છે. તેના માટે વારંવાર અમેરિકા ચીન તેના પર આરોપો મઢતું રહ્યું છે. અમેરિકાના પ્રેસિડન્ટ ડોનાલ્ડ ટ્રમ્પ જાહેરમાં ‘વુહાન વાયરસ’ અને ‘ચાઇનીઝ વાયરસ’ કહેતા વિવાદનો મધપૂડો પણ છંછેડાયો છે. ટ્રમ્પ તો વિશ્વ સ્વાસ્થ્ય સંગઠન પર ચીનને બચાવાનો પણ આરોપ મૂકયો છે. તો આ બધાની વચ્ચે ચીને અમેરિકા પર સણસણતો આરોપ મૂકયો છે કે અમેરિકન સેના જ વુહાનમાં વાયરસ લઇને આવ્યું હતું. આમ સૌથી પહેલાં કોરોના વાયરસનો ભોગ બનનાર દેશ ચીને હવે તેના દેશને બચાવા માટે મોટો નિર્ણય લીધો.
