ચીન સૌથી પહેલાં વેક્સીન તૈયાર કરી નાંખે તેવી શકયતા

– ચીન મેડિકલ સાયન્સની આ સિદ્ધિથી દુનિયા પર રાજ કરે તેવી દહેશત

વોશિંગ્ટન,

દુનિયાના ઘણા દેશો કોરોના વાયરસની વેક્સીન તૈયાર કરવામાંની રેસમાં સામેલ થઇ ગયા છે.આ દરમિયાન અમેરિકી અધિકારીઓએ ડર વ્યક્ત કર્યો છે કે જો ચીન કોરોના વાયરસની સૌથી પહેલા રસી તૈયાર કરી લે છે તો તેનો ઉપયોગ આર્થિક લાભ અને કૂટનીતિ લાભ હાંસલ કરી શકે છે.એક તરફ દુનિયાના લોકો એકબીજા સાથે જાણકારી શેર કરીને કોરોના વેક્સીન પર કામ કરી રહ્યા છે તો બીજી બાજુ અમેરિકા અને ચીન પોતાના દમ પર વેક્સીન બનાવવાની કામગીરી કરી રહ્યું છે.પોલિટીકોના રિપોર્ટ અનુસાર, અમેરિકાની નેશનલ સિક્યુરીટી એજન્સી સાથે જોડાયેલા એક અધિકારીએ જણાવ્યું હતું કે, તેમને (ચીન)ને એ ખબર છે કે જે દેશ સૌથી પહેલા કોરોનાની વેક્સીન તૈયાર કરી લેશે તે દેશ દુનિયાભરમાં રાજ કરશે.

પેન્ટાગોન અને સીઆઇઈના પૂર્વ અધિકારી મૈટ ક્રોએનીંગે જણાવ્યું હતું કે,ચીન તરફથી મોકલી આપવામાં આવતી સહાયતા સાથે ઘણા તેના હિત જોડાયેલા છે. તેઓ તેનો ઉપયોગ કરીને પોતાનો પ્રભાવ વધારવા માટે અને અમેરિકાને પાછળ ધકેલવા માટે કામ કરી શકે છે.એપ્રિલમાં ચીને જણાવ્યું હતું કે, કોરોના વાયરસની એક વેક્સીનના શરૂઆતી ટ્રાયલના રીઝલ્ટ ખુબ જ સારા આવ્યા છે.મહત્વની વાત એ છે કોરોના વાયરસ ચીનથી જ ફેલાયેલો છે જેના માટે સંભવ છે કે ચીન અન્ય દેશોના મુકાબલે પહેલા જ વેક્સીન તૈયાર કરવાનું કામ શરુ કરી દીધું હશે.વુહાનથી કોરોના વાયરસના ફેલાવાને લઈને ચીન પર દુનિયાભરમાં સવાલ ઉઠી રહ્યા છે. એવામાં જો ચીન સૌથી પહેલા વેક્સીન તૈયાર કરી લે છે તો અન્ય દેશ સાથે મળીને પોતાની છબી સુધારવાનો પ્રય્તન કામ કરી શકે છે. અમેરિકી નેશનલ સિક્યુરીટી સાથે જોડાયેલા એક અધિકારીનું માનવું છે કે,વેક્સીન નિર્માણને લઈને ચીનને કોઈ બઢત મળી નથી.પરંતુ અધિકારીનું કહેવું છે કે,એ પણ પેટર્ન રહી છે કે તે બીજી વસ્તુઓ અને રીસર્ચની ચોરી કરવાની કોશિશ કરી શકે છે.