ગાંધીનગર : ગ્રાહક સુરક્ષા અધિનિયમ-૨૦૧૯માં ગ્રાહકોના હિતોના રક્ષણો માટેની રાજ્ય સરકાર કટિબધ્ધ છે.ગ્રાહક કોઈ પણ પ્રકારની છેતરપીંડીથી ભોગ બન્યા બાદ વળતર મેળવવા હકદાર છે.ગ્રાહક જે જિલ્લામાં નિવાસ કે નોકરી કરતો હોય ત્યાં પોતાની ગ્રાહક સુરક્ષાને લગતી ફરિયાદ નજીકના જિલ્લા ગ્રાહક તકરાર નિવારણ કમિશનમાં દાખલ કરી શકે છે.જેમા પાંચ લાખ સુધીની દાવા ફરિયાદ વિના મૂલ્યે નોંધાવી શકે છે.આ માટે રાજ્ય સરકાર દવારા ગ્રાહક તકરાર નિવારણ કમિશનની રચના કરવામાં આવી છે.
જ્યારે રૂ.૫ લાખથી વધુની દાવાની રકમની ફરિયાદ માટે ગ્રાહક દાવાની રકમ ન્યાય અધિકાર માટેનું આયોગ રૂ.૧ કરોડ સુધીજિલ્લા ગ્રાહક તકરાર નિવારણ કમિશન સમક્ષ ફરિયાદ કરી શકાશે.રૂ.૧ કરોડથી રૂ.૧૦ કરોડ સુધી રાજ્ય ગ્રાહક તકરાર નિવારણ કમિશન સમક્ષ ફરિયાદ કરી શકાશે અને રૂ.૧૦ કરોડથી ઉપર રાષ્ટ્રીય ગ્રાહક તકરાર નિવારણ કમિશન સમક્ષ ગ્રાહક ફરિયાદ કરી શકાશે.જો સંબંધિત ગ્રાહક તકરાર નિવારણ કમિશન દ્વારા ગ્રાહક ફરિયાદ અન્વયે આપવામાં આવેલા નિર્ણયનો પ્રતિવાદી દ્વારા અનાદર કરાય તો,પ્રતિવાદીને ૧ મહિનાથી ૩ વર્ષ સુધીની જેલની સજા તેમજ રૂ.૨૫ હજારથી રૂ.૧ લાખ સુધીનો દંડ સંબંધિત ગ્રાહક તકરાર નિવારણ કમિશન કરી શકશે.
