હજીરાની ઈન્ડ્રસ્ટ્રીઝમાં કામ કરતાં આ ઈજનેરોને વતન મોકલવા જાપાન સરકારે અપીલ કરી હતી
સુરત,
મંગળવારે સુરત એરપોર્ટ બનેલી આ ઘટના એકદમ અકલ્પનિય છે. છ જાપાનીઝ એન્જિયન્યર્સને ચાર્ટડ પ્લેન દ્વારા તેમના વતન મોકલવા સુરત એરપોર્ટ પરથી એક સ્પેશ્યલ ફલાઈટ દિલ્હી માટે ઉપડી હતી. ઉલ્લેખનીય છે કે તા. 18મી માર્ચથી વિમાનીસેવાઓ બંધ કરી દેવામાં આવી છે અને ડોમેસ્ટિક તથા ઈન્ટરનેશનલ ફલાઈટ ઓપરેશન પણ બંધ છે તેવા સમયે સુરતની હજીરા ઈન્ડસ્ટ્રીઝમાં કોર્પોરેટ કંપનીઓમાં કામ કરતાં છ એન્જિયનર્સ માટે સ્પેશ્યલ વ્યવસ્થા કરવામાં આવી હતી.
સુરતના હજીરા ઈન્ડસ્ટ્રીયલ એરિયામાં આવેલી કોર્પોરેટ કંપનીઓમાં કામ કરતા જાપાનીઝ એન્જિનિયરોને વતન મોકલવા માટે ત્યાંની સરકાર દ્વારા અપીલ કરાઈ હતી તેના પગલે ભારત સરકારે એર ઈન્ડિયા એકસપ્રેસને સુરત એરપોર્ટથી ટોક્યોની સ્પેશિયલ ચાર્ટર ફલાઈટ લઈ જવા આદેશ આપ્યો હતો. એર ઈન્ડિયા એકસપ્રેસે સુરતથી ટોકિયોની ફલાઈટને સ્પેશ્યલ રિલિફ ફલાઈટનું નામ આપી એન્જિનિયર્સને લઈ જવા તૈયારીઓ શરૂ કરી હતી. આ ફલાઈટ દિલ્હી અને ત્યાંથી ટોકિયો રવાના થવાની હતી.
સુરત એરપોર્ટ ડાયરેક્ટર અમન સૈનીએ આ ફલાઈટ માટે કસ્ટમ અને ઈમિગ્રેશન સ્ટાફની મદદ લઈ જરૂરી પ્રક્રિયાઓ પૂરી કરી જાપાનીઝ એન્જિનિયરોને વિદેશ મોકલવામાં સહયોગ આપ્યો હતો.
