અમદાવાદ : મંગળવાર : પૂર્વ વિસ્તારમાં દિન પ્રતિદિન છેડતીના બનાવો વધતા મહિલાઓની સુરક્ષા જોખમાઇ રહી છે,જશોદાનગરમાં વિકૃત માનસિક ધરાવતા પડોશી યુવકે બાળકીને પોતાના ઘરમાં બોલાવીને તેણીને મોબાઇલ કરવા આપ્યો હતો અને બાળકી સાથે શારિરીક અડપલા કર્યા હતા.આ બનાવ અંગે વટવા પોલીસે છેડતીનો ગુનો નોંધી વધુ તપાસ હાથ ધરી છે.પોતાના ઘરમાં બોલાવીને વિકૃત માનસિકતા ધરાવતા યુવકે બાળકીને મોબાઇલ રમવા આપી છેડછાડ કરતા વટવા પોલીસે ગુનો નોંધ્યો
આ બનાવની વિગત એવી છે કે જશોદાનગર વિસ્તારમાં રહેેતા ૨૮ વર્ષના યુવકે વટવા જીઆઇડીસી પોલીસ સ્ટેશનમાં પડોશમાં રહેતા યુવક સામે ફરિયાદ નોંધાવી છે કે તા.૧૬ના રોજ રાતે ૮.૩૦ વાગે પડોશી યુવક પોતાની પાંચ વર્ષની દિકરીને પોતાના ઘરે રમાડવાના બહાને લઇ ગયો હતો અને મોબાઇલ રમવા આપીને માસૂમ બાળકી સાથે શારિરીક અડપલાં કર્યા હતા.બાળકી રડતી રડતી ઘરે આવી હતી અને માતાને ઇશારા કરીને રજૂઆત કરતાં માતાએ ઠપકો આપ્યો હતો બાદમાં યુવક સામે વટવા જીઆઇડીસી પોલીસ સ્ટેશનમાં ફરિયાદ નોંધાવતાં પોલીસે વિકૃત માનસિકતા ધરાવતા પડોશી યુવક સામે પોક્સો કલમ હેઠળ ગુનો નોંધીને તેની ધરપકડ કરવાની કાર્યવાહી હાથ ધરી છે.
ઉલ્લેખનીય છે કે બે દિવસ પહેલા સરદાનગરમાં રહેતી સગીરા સાથે સોશિયલ મિડિયાના માધ્યમથી મિત્ર બનીને યુવકે સગીરાને નરોડા મીની કાંકરીયા પાસે બોલાવીને અવાર નવાર દુષ્કર્મ આચર્યું હતું. ઉપરાંત કુબેનગરમાં પિતરાઇ ભાઇએ ૧૬ વર્ષની સગીર બહેનની છેડતી કરી હતી અને પોતાના મોબાઇલમાં પાડેલા ફોટા વાઇરલ કરવાની ધમકી આપી હતી એટલું જ નહી સગીરાના પરિવારને જાનથી મારી નાંખવાની ધમકી આપી હતી.આ ઘટના અંગે સરદારનગર પોલીસે ગુનો નોંધીને આરોપીની ધરપકડ કરવા ચક્રો ગતિમાન કર્યા હતા.
