સિડની,26 એપ્રિલ,2022,મંગળવાર : પ્રથમ નજરે કાળી અને પીળા રંગની કાર જોઇને મુંબઇનો કોઇ વિસ્તાર હોવાનું લાગે પરંતુ આ દ્વષ્ય ઓસ્ટ્રલિયાના સિડની શહેરનું છે.સિડનીના માર્ગો પર એક માત્ર મુંબઇયાં સ્ટાઇલની કાર ફરતી જોવા મળે છે.સિડનીના માર્ગો પર મુંબઇનો માહોલ ઉભો કરતી આ ટેકસી કારનો માલિક અને ડ્રાઇવર જેમી રોબિનસન નામનો એક અંગ્રેજ છે.મૂળ બ્રિટનનો રહેવાસી જેમી ઓસ્ટ્રેલિયામાં સ્થાયી થયો છે જેમીએ પોતાની કારનું નામ બોલીવૂડ કાર આપ્યું છે.કારની અંદરનું ડેકોરેશન અને એસેસેરીઝ બોલીવૂડ અંદાજની ઝલક આપે છે.એક સમયે મુંબઇનો દેશી અંદાજ ધરાવતી કાળી પીળી કાર સિડનીમાં કેવી રીતે બની તે જાણવું રસપ્રદ છે.જેમી રોબિન્સનને ભારત પ્રત્યે વિશેષ આકર્ષણ છે તે મુંબઇ અને દિલ્હી સહિતના શહેરોમાં અનેક વાર આવી ચુકયો છે.તેણે પ્રથમ વાર એક ટીવી શો માં કાળા પીળા રંગની ટેકસી જોઇ હતી.આમ પણ મુંબઇમાં આવી ડિઝાઇન ધરાવતી કાર જોયેલી હોવાથી વિશેષ લગાવ પણ હતો.મનમાં વસી ગયેલી ટેકસી કારને ભારતથી ઓસ્ટ્રેલિયા લાવવા ઇચ્છતો હતો પરંતુ નિયમો અને કાનુન તેના માટે સૌથી મોટી અડચણ સમાન હતા.
જેમીએ છેવટે કારમાં વપરાતા વિવિધ પાર્ટસ ભારતથી મંગાવ્યા હતા.પાર્ટસ મળી ગયા પછી ટેકસી કારનો સમગ્ર દેહ સિડનીમાં તૈયાર કર્યો.૩ વર્ષની મહેનતના અંતે એક એસેમ્બલ કાર તૈયાર થઇ જેને બોલિવૂડ કાર એવું નામ આપ્યું હતું.આ કારને લોકો અલગ અલગ ઇવેન્ટસ માટે ભાડે આપે છે.ઇન્ડિયાની કાર ઓસ્ટ્રેલિયામાં જોઇને લોકોને અચંબો થાય છે.અચાનક કાર પસાર થાય ત્યારે સૌનું ધ્યાન ખેંચાય છે.જેમીએ ઓસ્ટ્રેલિયામાં પોતાની કારમાં ભારત ઉભું કર્યુ છે.ભારતીયો આ કારમાં બેસવાનું વિશેષ પસંદ કરે છે.ભારતમાં એક જમાનામાં એમ્બેસેડર ટેકસી કાર ખૂબ ચાલતી હતી.બોલીવૂડની ફિલ્મોમાં પણ તેનું ખૂબ ફિલ્માંકન થયું છે.
