બારડોલી : નાર્કોટિક્સના કેસમાં જામીન પર છૂટેલ આરોપીને પાસાનો હુકમ થતાં જ સુરત જિલ્લા એસઓજીની ટીમ દ્વારા તેને પકડી વડોદરા મધ્યસ્થ જેલમાં મોકલી આપવામાં આવ્યો હતો.
આ અંગે મળતી માહિતી અનુસાર વરેલીના શાંતિનગર ખાતે રહેતો મૂળ ઝારખંડના બોકારોનો નંદલાલ દેવેન્દ્ર મહંતો (33) 2018 અને 2019માં બે અલગ અલગ ગુનામાં એનડીપીએસ એક્ટ (ગાંજા)ના ગુનામાં પકડાયો હતો.જે બંને ગુનામાં તેને કોર્ટ દ્વારા જામીન પર મુક્ત કરવામાં આવ્યો હતો.જો કે તે જામીનમુક્ત થાય બાદ પણ ગેરકાયદેસર ગાંજો કે નારોક્ટિક્સ પદાર્થની વેચાણની પ્રવૃત્તિમાં લાગ્યો રહે તેવી સંભાવના હોય અને જાહેર વ્યવસ્થા તેમજ પ્રજાના જાહેર સ્વાસ્થ્યની જાળવણીમાં બાધકરૂપ પ્રવૃત્તિમાં સંકળાયેલો હોય સુરત જિલ્લા એસઓજી પોલીસ દ્વારા દસ્તાવેજી કાગળો સાથે પોલીસ મહા નિદેશક,સીઆઇડી ક્રાઇમ એન્ડ રેલ્વેઝની કચેરી ખાતે પાસા દરખાસ્ત કરવામાં આવી હતી.જે દરખાસ્તના આધારે પોલીસ મહાનિદેશક દ્વારા નંદલાલને પાસા હેઠળ જેલમાં મોકલવાનો હુકમ કરવામાં આવતા મંગળવારના રોજ તેની અટકાયત કરી વડોદરા જેલમાં મોકલી આપવામાં આવ્યો હતો.
