સુરત,તા 25/08/2022,ગુરુવાર : જિલ્લા ભાજપના પ્રમુખ સંદીપ દેસાઈના ફોટા સોશ્યિલ મિડિયામાં વાઇરલ થયા બાદ આજરોજ પ્રદેશ મહામંત્રી પ્રદીપસિંહ વાઘેલાએ વિડિઓ થકી નિવદેન આપ્યું છે.જેમાં સંદીપ દેસાઈ વિરુદ્ધ વાઇરલ થયેલા ફોટો તેમની રાજકીય બદનામી કરવાના આશયે વાઇરલ કરાયા હોવાનું તેમને જણાવ્યું છે.તેમજ આ ફોટો મોર્ફ કરીને સોશ્યિલ મીડિયાના માધ્યમથી બદનામ કરવાના હેતુસર વાઇરલ કરાયો હોવાનું પણ જણાવ્યું છે.
આ અંગે વિડિઓ થકી ભાજપના પ્રદેશ મહામંત્રી પ્રદીપસિંહ વાઘેલાએ કહ્યું હતું કે સંદીપ દેસાઈ ભાજપના સંનિષ્ઠ કર્મઠ કાર્યકતા છે તેમજ ચૂંટાયેલા નેતા છે તેમના વ્યક્તિગત તેમજ રાજકીય જીવનને બદનામ કરવાના હેતુસર આ ફોટા મોર્ફ કરીને સોશ્યિલ મીડિયાના માધ્યમથી કરાઈ છે જે રાજનીતિમાં યોગ્ય નથી.વધુમાં તેમને કહ્યું હતું કે પાંચ સાત વર્ષ અગાઉ સંદીપ દેસાઈ તેમના પારિવારિક મિત્રો સાથે ફરવા ગયા હતા એ ફોટાનો દુરુપયોગ કરાયો છે તેમજ ભાજપના નેતાને બદનામ કરવા કરાયો છે.જે રાજનીતિમાં ક્ષમ્ય નથી અને સંદીપ દેસાઈ આદર્શ કાર્યકર્તા છે જેમને પક્ષ સહીત સુરત જિલ્લાની પ્રજા પણ તેમના વ્યકિગત ચારિત્ર્યને પણ જાણે છે અને આ બદનામીને લઇ ફોટા વાઇરલ કરનારા છુપા તત્વોનો ઈરાદો પૂરો નહીં થશે તેમજ આ ફોટા વાઇરલ કરવાના પ્રકરણ અંગે બડ ઈરાદા ધરાવતા તત્વો વિરુદ્ધ ચોકક્સ કોઈ કાર્યવાહી કરવામાં આવશે એવી તેમને એક મિનિટના વિડિઓમાં જણાવ્યું હતું.
