જોળવાની મિલોમાં બોઇલરમાં વેસ્ટ કાપડની ચીંધી બાળવામાં આવતા પ્રજાએ જનતા રેડ કરી

બારડોલી : પલસાણા તાલુકાના જોળવા ગામે આવેલ કેટલીક ડાંઈંગ પ્રિન્ટિંગ મિલો દ્વારા લાકડા અને કપડાની ચીંધીઓ બાળવાથી ગામમાં વ્યાપક પ્રમાણમાં રજકણો ફેલાઈ રહી હતી અને પ્રદુષણના કારણે ગામના આરોગ્ય તમેજ મિલકતને પણ ભારે નુકશાન થઈ રહ્યું હતું એ બાબતે ગુજરાત પોલ્યુશન બોર્ડને ફરિયાદ કરવામાં આવી હોવા છતા યોગ્ય પગલાના લેવાતા આખરે ગામ લોકો દ્વારા ગત રોજ મિલમાં જઈને કાપડાના ઢગલા અને અન્ય વેસ્ટ બોઇલરમાં સળગાવતા ઝડપી પાડ્યા હતા અને ઓહાપોહ કરવામાં આવ્યો હતો અને જો આ સળગાવવાનું બંધના થાય તો આગામી દિવસોમાં આંદોલનની ચીમકી ઉચ્ચારી હતી.પ્રાપ્ત માહિતી મુજબ જોળવા ગામની હદમાં આવેલ કેટલીક મિલોમાં છેલ્લા કેટલાક સમયથી બોઇલરમાં પ્રદુષણ ફેલાવતી કાપડની વેસ્ટ ચીંધી સળગતા હોવાની રાવ ઉઠી હતી ચીંધીઓ બાળતા દૂષિત ધુમાડો અને રજકણ સીધી ગામમાં આવતા સમસ્યા બાબતે ગામ જનો અગાઉ પણ મિલ સંચાલકને રજુઆત કરી હતી જોકે સોમવારે મોડી રાતે જોળવા ગામની હદમાં આવેલ બ્લોક નંબર 213 સર્વે નંબર 176 પર આવેલ ક્યુબાટીક્સ ડાંઇગ પ્રિન્ટિંગ મિલમાં બોઇલરમાં ફરી વેસ્ટ કાપડની ચીંધી બાળવામાં આવતા ધુમાડો અને રજકણ ફરી ગામમાં જતા ગ્રામજનોએ મોડી રાતે 12વાગ્યાના સમયે ભેગા મળી મિલમાં રજુઆત માટે ગયા હતા જ્યાં મિલમાં બોઇલર વિભાગમાં જતા ત્યાં વેસ્ટ કાપડની ચીંધીનો ઢગલો પડ્યો જોવા મળ્યો હતો અને એ જ ઢગલા માંથી મજૂરો બોઇલરમાં નાખી રહ્યા હતા તેમજ ત્યાં એક ચીંધી ભરેલો ટેમ્પો પણ પડ્યો ગ્રામ જનોએ રાતોરાત સરપંચને બોલાવી ઉગ્ર રજુઆત કરી હતી તેમજ વિસ્તારના ધારા સભ્ય ઇશ્વર પરમારના બાબેન ખાતેના ઘરે ગામના અગ્રણીઓએ મુલાકત કરી મિલ અંગે ઉગ્ર રજુઆત કરવામાં આવી હતી.હવે સરકારી અધિકારીઓ આ બાબતે યોગ્ય કાર્યવાહી કરશે કે ના કરશે તે જોવું રહ્યું પલસાણા તાલુકાના બલેશ્વર પલસાણા વરેલી અંત્રોલી ગામના રહીશો જનતા રેડ કરી અધિકારીઓની પોલ ખોલશે અને તેમ છતા પણ જો મિલ માલિકો દ્વારા ગામજનોના સ્વાસ્થ્ય સાથે ચેડા કરવાનું બંધના કરે તો ફરી બલેશ્વરની જેમ આ વિસ્તારની પ્રજા આંદોલનના માર્ગ આપનાવશે.કુંભકર્ણની નિંદ્રા માંથી જાગીને ગુજરાત પોલ્યુશન કન્ટ્રોલ બોર્ડ ગેરકાયદેસર કોલસાના ગોડાઉનો તેમજ લાકડા અને કાપડની ચીંધી બાળતા એકમોને બંધ કરાવે એ જરૂરી બન્યું છે.