પલસાણા : થોડા દિવસો અગાઉ સુરત જિલ્લાના પલસાણા પોલીસ જોળવા ખાતેથી એક સફેદ રંગનો શંકા સ્પદ ટેમ્પો ઝડપી પાડ્યો હતો.જેમાં ઘઉં અને ચોખાની 101 ગુણ મળી આવતા કાયદેસરની કાર્યવાહી ટેમ્પાને છોડી મુકતા વિવાદ સર્જાયો હતો.
સમગ્ર મામલે કલેકટરે પલસાણા મામલતદારને તપાસના આદેશ કર્યા જતા તેમજ પોલિસની શકાસ્પદ ભૂમિકા બદલ જિલ્લા પોલિસ વડાને પણ જાણ કરી હતી.ગત અઠવાડિયામાં મામલતદારેતો તપાસનો રિપોર્ટ કલેકટને સોંપ્યો છે પરંતુ પલસાણા પોલીસની છબી ખરડાતા જિલ્લા પોલીસ વડાના અનુસંધાનમાં પલસાણા પોલિસે મામલતદાર ઓફિસના CCTV ફૂટેજની માગણી કરી છે. જેથી આ મામલે પલસાણા પોલીસ અને મામલતદાર આમને સામને હોવાનું બહાર આવ્યું હતું.
ગત 11 ઓગસ્ટના રોજ પલસાણા પોલિસ જોળવા ખાતે આવેલ રાત્રીના પેટ્રોલિંગ દરમિયાન ગાર્ડન સીટી સોસાયટીના ગેટ પરથી એક સફેદ રંગનો ટાટા ટેમ્પો DU 09 U 9330 ને શંકાસ્પદ હાલતમાં ઝડપી પાડી તપાસ કરતા ટેમ્પા માંથી ગુજરાત સરકારના હોલમાર્ક વાળી 101 ગુણ ઘઉં તેમજ ચોખાની મળી આવતા પલસાણા પોલિસ 41 (1)(ડી)મુજબની કાર્યવાહી કરી અટકાયતી પગલાં લીધા હતા.જોકે આ મામલે પલસાણા પોલીસે ટેમ્પા ચાલક પાસે સોગંદનામું લઈ છોડી મુકતા વિવાદ સર્જાયો હતો.જિલ્લા કલેકટરની ઓફિસે સમગ્ર મામલો પહોંચતા જિલ્લા કલેક્ટરે પલસાણા મામલતદાર એન.સી.ભાવસાર નાઓને તપાસના આદેશ આપ્યા હતા અને પોલિસના શકાસ્પદ વલણને ધ્યાનમાં લઈ જિલ્લા પોલિસ વડાને જાણ કરી હતી.જોકે ગત અઠવાડીએ પલસાણા મામલતદારે જિલ્લા કલેક્ટરને તપાસનો રિપોર્ટ સુપરત કર્યો હતો તો બીજી તરફ પલસાણા પોલીસની છબી ખરડાતા પલસાણા પોલીસે 13 ઓગસ્ટના રોજ તારીખના રોજ પલસાણા મામલતદારને લેખિતમાં જાણ કરી હતી તેના પુરાવા જિલ્લા પોલિસ વડા સમક્ષ રજુ કર્યા હતા તેમજ મામલતદાર કચેરીના CCTV કેમેરાના ફૂટેજની માંગણી કરી હતી.પોલીસે મામલતદારને લેખિતના જાણ કરી હોવાનું વાત બહાર આવતા સમગ્ર પ્રકરણમાં નવો વણાંક આવ્યો છે સરકારી અનાજ હોવાથી મામલતદારને જાણ કરી પુરવઠા વિભાગને અનાજ સોંપવાના બદલે પલસાણા પોલીસે માત્ર સોગંદ નામું લઈ ટેમ્પો છોડી મુકતા પોલીસ અને મામલતદારનો સંકલનનો અભાવ સપાટીએ આવ્યો હતો.અગામી દિવસે આ પ્રકરણમાં વધુ વિવાદની શકયતા છે.જોકે પલસાણા પોલીસ આવશક ચીજ વસ્તુ બાબતે મામલતદાર નો રિપોર્ટ લેવો અનિવાર્ય હતો એ પણ હકીકત છે.
