(પીટીઆઇ) નવી દિલ્હી/રાંચી, તા. ૬ : ઇડીએ ઝારખંડના માઇનિંગ સચિવ પૂજા સિંઘલ અને તેમના પરિવાર સહિત સહિત અનેક સ્થળોએ દરોડા પાડયા છે.આ દરોડા વર્ષ ૨૦૦૮ થી ૨૦૧૧ દરમિયાન ખુંતિ જિલ્લામાં મનરેગાના ફંડમાંથી ૧૮ કરોડ રૃપિયાની ઉચાપત સાથે સંકળાયેલ મની લોન્ડરિંગની તપાસ હેઠળ પાડવામાં આવ્યા છે.આ દરોડા દરમિયાન કુલ ૨૫ કરોડ રૃપિયા જપ્ત કરવામાં આવ્યા છે.રાંચી સ્થિત ચાર્ટડ એકાઉન્ટન્ટની ઓફિસમાંથી ૧૭ કરોડ રૃપિયા રોકડા જપ્ત કરવામાં આવ્યા છે.જપ્ત કરાયેલ રોકડ રકમ ગણવા માટે ઇડીના અધિકારીઓને ચલણી નોટો ગણવાના મશીન મંગાવવામાીં પડયા હતાં.રોકડ ચલણી નોટોનું પ્રમાણ એટલું વધારે હતું કે નોટો ગણવાના મશીન પણ ગરમ થઇ ગયા હતાં.રાંચીના અન્ય સ્થળોએથી પણ રોકડ રકમ જપ્ત કરવામાં આવી હતી.ઇડીના અધિકારીઓના જણાવ્યા અનુસાર પ્રિવેન્શન ઓફ મની લોન્ડરિંગ એક્ટ હેઠળ ઝારખંડ, બિહાર, પશ્ચિમ બંગાળ, દિલ્હી, પંજાબ અને અન્ય કેટલાક રાજ્યોમાં કુલ ૧૮ પરિસરોમાં દરોડા પાડવામાં આવ્યા છે.
આઇએએસ અધિકારી અને ઝારખંડ સરકારના ડિપાર્ટમેન્ટ ઓફ માઇન્સ અને જીઓલોજી વિભાગના સેક્રેટરીના ઝારખંડના પાટનગરમાં આવેલા પરિસરોમાં પણ દરોડા પાડવામાં આવ્યા હતાં.સિંઘલ વર્ષ ૨૦૦૦ની બેન્ચના આઇએએસ અધિકારી છે અને અગાઉ તેમની ખુંતિ જિલ્લામાં ડેપ્યુટી કમિશનર તરીકે નિમણૂક કરવામાં આવી હતી.રાંચીમાં આ સંદર્ભમાં એક હોસ્પિટલમાં પણ દરોડા પાડવામાં આવ્યા છે.આ દરોડા દરમિયાન ઇડીના અધિકારીઓ સાથે સીઆરપીએફની ટીમ પણ હતી.
