ટેક્સ વિવાદમાં ફસાયેલા બ્રિટિશ નાણામંત્રીએ PM જોન્સનને પત્ર લખી સ્વતંત્ર તપાસની માંગ કરી

બ્રિટનના નાણામંત્રી ઋષિ સુનકે વડાપ્રધાન બોરિસ જોનસનને એક પત્ર લખ્યો છે.એમાં તેમણે સ્વતંત્ર સમીક્ષા માટે વિનંતી કરી છે.ઋષિ સુનકે પત્રમાં લખ્યું કે તેમણે વડાપ્રધાન જોનસનના સ્વતંત્ર સલાહકારોમાંથી કોઈ એક પાસે મોકલવામાં આવે.જ્યાં એ તપાસ કરાવવામાં આવે કે મંત્રી હોવાના નાતે તેમણે પોતાની આવક અને સંપત્તિની યોગ્ય રીતે જાહેરાત કરી છે કે નહીં.અહીંયા નોંધવું રહ્યું કે ઋષિ સુનક આ સમયે પોતાના પરિવાર ટેક્સ ચુકવવાને લઈને કેટલાક વિવાદોનો સામનો કરી રહ્યો છે.આંતરરાષ્ટ્રીય મીડિયા રિપોર્ટ્સ અનુસાર, નાણામંત્રી ઋષિ સુનકની પત્ની અક્ષતા મૂર્તિ પર આવક પર ટેક્સ નહીં ચૂકવવાનો આરોપ છે.હકીકતમાં, નાણામંત્રી ઋષિ સુનકની પત્ની અક્ષતા મૂર્તિ ઈન્ફોસિસના સંસ્થાપક નારાયણ મૂર્તિની પુત્રી છે.એ આઈટી કંપની ઈન્ફોસિસની લગભગ 0.9 ટકાની માલિક પણ છે.ભારતીય મૂળના ઋષિ સુનકે રવિવારે ટ્વીટર પર એક પોસ્ટ કરી હતી, એમાં તેમણે કહ્યું હતું કે સ્વતંત્ર સમીક્ષા માટે તેમને હાઉસ ઓફ લોર્ડ્સના સભ્ય ક્રિસ્ટોફરની પાસે મોકલવામાં આવે.સમીક્ષા બાદ ક્રિસ્ટોફર પોતાના નિષ્કર્ષોને જાહેર કરે. તેમણે ટ્વીટર પર કહ્યું કે મેં હમેશા નિયમોનું પાલન કર્યું છે આ પ્રકારની સમીક્ષાથી સ્થિતિ વધુ સ્પષ્ટ થઈ જશે.ઋષિ સુનકે પીએમ બોરિસ જોનસનને લખેલા પત્રમાં કહ્યું કે મારી સૌથી મોટી ચિંતા એ છે કે જનતા તેમના દ્વારા અપાયેલા જવાબોમાં વિશ્વાસ જાળવી રાખે.મને વિશ્વાસ છે કે સમીક્ષાના નિષ્કર્ષથી જનતા સત્ય જાણી શકશે.પીએમ જોનસને કહ્યુંઃ ઋષિ સુનક રાજીનામુ નહીં આપે
લંડનઃ બ્રિટનના નાણામંત્રી ઋષિ સુનક પોતાની પત્ની અક્ષતા મૂર્તિના ટેક્સ ચોરી વિવાદ બાદ રાજીનામુ આપવાની તૈયારીમાં છે.આ વાત જાણ્યા બાદ ખુદ વડાપ્રધાન બોરિસ જોનસન તેમને મનાવવા પહોંચ્યા. આ દરમિયાન વડાપ્રધાન જોનસન અને નાણામંત્રી ઋષિ સુનકની વચ્ચે લગભગ 10 મિનિટ સુધી વાતચીત થઈ હતી.બાદમાં, ઋષિ સુનકને વડાપ્રધાન જોનસને ભરોસો આપ્યો છે કે એ આ કઠિન નિર્ણય પર વિચાર કરશે અને આ વિવાદમાંથી બહાર નીકળવાની કોશિશ કરશે.મુલાકાત બાદ પીએમ બોરિસ જોનસને કહ્યું કે ઋષિ સુનકે તેમને ભરોસો આપ્યો છે કે એ રાજીનામું નહીં આપે.