સુરત : સિંગણપોર હાથી મંદીર રોડ પાળા પાસે વિન્ટેક્ષ બસ પાર્કીગમાંથી ટ્રક અને લકઝરી બસમાં બાયોડીઝલ ભરવા આવેલા એક પંપ ટેમ્પોને ઝડપી પાડી ટેમ્પોને પોલીસે ઝડપી બે ની ધરપકડ કરી 1750 લીટર બાયોડીઝલ કબજે કર્યું હતું.
બાતમીના આધારે સિંગણપોર પોલીસે ગત બપોરે સિંગણપોર હાથી મંદીર રોડ પાળા પાસે વિન્ટેક્ષ બસ પાર્કીગમાં રેઇડ કરી ત્યાં ટ્રક અને લકઝરી બસમાં બાયોડીઝલ ભરવા આવેલા ટેમ્પો(નં.જીજે-05-બીટી – 5800)ને ઝડપી લીધું હતું.પોલીસે ટેમ્પો ચાલક રીતેશ દેવજીભાઈ ખેરાળા(ઉ.વ.40,રહે.ઘર નં.61,સાજન સોસાયટી,નનસાડ ગામ,તા.કામરેજ,જી.સુરત.મુળ રહે.ડેડકડી,તા.સાવરકુંડલા,જી.અમરેલી)અને તેની સાથે નરેશ મધુભાઈ નારોલા(ઉ.વ.34,રહે.ઘર નં.101,સંસ્કૃત એવન્યુ,સૃષ્ટી રો હાઉસની પાછળ,કોસાડ રોડ,અમરોલી,સુરત.મુળ રહે.દામનગર,તા.લાઠી,જી.અમરેલી)ને ઝડપી લીધા હતા.
પોલીસે ટેમ્પોની ચકાસણી કરતા તેના પાછળના ભાગે ડિલિવરી માટે ફિટ કરેલો ડીઝલ પંપ પણ મળ્યો હતો.પોલીસે ટેમ્પોમાંથી રૂ.1,57,500 ની કિંમતનું 1750 લીટર બાયોડીઝલ ઉપરાંત રૂ.5 લાખની મત્તાનો ટેમ્પો,રૂ.60 હજારની મત્તાનો ડીઝલ પંપ,બે મોબાઈલ ફોન મળી કુલ રૂ.7,23,500 નો મુદ્દામાલ કબજે કરી બાયોડીઝલ સપ્લાય કરતા રજનીભાઈ પટેલને વોન્ટેડ જાહેર કરી વધુ કાર્યવાહી હાથ ધરી હતી.
