– ડાંગ જિલ્લાના ચીચીનાગાંવઠા વન વિભાગ ની ટીમે હરીપુરા સીમાડે થી ગેરકાયદેસર લઇ જવાતો સાગી લાકડા નો જથ્થો ભરેલી ટ્રાવેરા કાર ઝડપી પાડી કુલ 1.40 હજાર નો મુદા માલ કબજે કર્યો
સાપુતારા : મળતી માહિતી અનુસાર વઘઇ થી ઝાવડા તરફ પસાર થતા મુખ્ય માર્ગ પર થી ગેરકાયદેસર સાગી લાકડાની તસ્કરી થવાની બાતમી દક્ષિણ ડાંગ વન વિભાગના ડીએફઓ નિલેશ પંડયાને મળી હતી જે બાતમીના આધારે ચીચીનાગાવઠા રેન્જ ના આરએફઓ ભોયે તેમજ વનકર્મી ઓની ટીમે વઘઇ ભેસકાતરી માર્ગ પર આવેલ ઝાવડા નાકા પર રાત્રી દરમિયાન ચેકીંગ હાથ ધર્યુ હતુ ત્યારે મળસ્કે 4.30 ના સુમારે કોયલીપાડા તરફ થી એક ટ્રાવેરા કાર નં GJ21U9026 આવતા તેને રોકવાનો પ્રયાસ કર્યો હતો પણ કાર ચાલકે ટ્રાવેરા ને પુરપાટ ઝડપે હંકારી લેતા વનકર્મીઓએ ટ્રાવેરા કાર નો ફિલ્મી ઢબે પીછો કરી ટ્રાવેરા કારને હરીપુરા ગામ ના સીમાંડે ને ઝડપી પાડી હતી.જોકે લાકડા ચોરીને અંજામ આપનાર કાર ચાલક અંધારાનો લાભ લઇ ભાગી જવામાં સફળ રહ્યો હતો.જયારે વનકર્મીઓએ ટ્રાવેરા કાર ની તલાસી લેતા અંદર છુપાવેલા ગેરકાયદેસર.નંગ 32 ઘનમીટર 0.999 ના સાગી ચોરસા મળી આવ્યા હતા.જેની બજાર કિમંત રૂ.80 હજાર અને કારની કિંમત 60 મળી કુલ.1.40 હજાર નો મુદ્દા માલ જપ્ત કરી નાસી છુટેલા કાર ચાલક આરોપીને ઝડપી પાડવા ના ચક્રો ગતિમાન કર્યા હતા.
