સાપુતારા : દેશમાં ધાર્મિક ઉત્સવ દરમિયાન હિંસા ના બનાવો સામે આવી રહ્યા છે આવા સમયે ડાંગમાં જનજાતિ સુરક્ષા મંચ દ્વારા ડી-લિસ્ટિંગ ની માંગ સાથે રેલી નું આયોજન કરવામાં આવ્યું હતું.ડાંગ ના મુખ્ય મથક આહવામાં આદિવાસી સમાજ દ્વારા હાથમાં પ્લેકાર્ડ સાથે જય શ્રી રામના નારા સાથે વિશાળ રેલીમાં લોકો રંગઉપવન ખાતે જાહેર સભામાં હાજર થયા હતા.આ કાર્યક્રમ માં આર.એસ.એસ હિન્દૂ સંગઠનના જનજાતિ સુરક્ષા મંચ ડાંગ નવસારીના સંયોજક વસંતભાઈ ગામીતે ધર્મતરણ થયેલ આદિવાસીઓને સનાતન ધર્મમાં ઘર વાપસી કરવા આહવાન કર્યું હતું, તેમજ તેઓ એવું ન કરે તો આવનારા દિવસોમાં સંગઠન દ્વારા સરકાર પર દબાણ લાવી આદિવાસીઓને મળતા હક્કો ધર્માંતરણ કરેલ પરિવારો ને ન આપવાની ઘોષણા કરી હતી.અને તેની શરૂઆત આજે આહવા ખાતે સભા યોજી કરવામાં આવી હોવાનું હુંકાર કર્યો હતો.જનજાતિ સુરક્ષા મંચ દ્વારા આયોજિત કાર્યક્રમનો મુખ્ય મુદ્દો ધર્માંતરણ કરનાર લોકોને અનુસૂચિત જનજાતિની યાદી માંથી બહાર કાઢવાનો છે.મંચ ની માંગ છે કે હિન્દૂ ધર્મ છોડી ખ્રિસ્તી અને મુસ્લિમ ધર્મ અપનાવર લોકોને કોઈ પણ પ્રકારના સરકારી લાભ ન મળે એ માટે ધર્મથી વિમુખ થયેલા આદિવાસીઓને અનુસૂચિત જનજાતિ માંથી બહાર કાઢવામાં આવે.40 % ખ્રિસ્તી સમાજ ની વસ્તી ધરાવતા ડાંગ જિલ્લામાં અચાનક ફરી એકવાર ધર્માંતરણ ના મુદ્દા સાથે રેલી અને જાહેરસભા ને કોંગ્રેસ પાર્ટી ચૂંટણી નો મુદ્દો બનાવશે ત્યારે ગત વિધાનસભા ની પેટા ચૂંટણીમાં 60,000 મતો સાથે ઐતિહાસિક જીત મેળવનાર ડાંગ ના સ્થાનિક ભાજપના નેતાઓ મૂંઝવણમાં મુકાયા છે.આ બેઠકમાં પૂજ્ય સંત શ્રી અનેકરૂપી મહારાજ,વિશ્વહિન્દુ પરિષદના સુકિરાવભાઈ ગાયકવાડ,શ્રી સંપ્રદાયના દિલીપભાઈ ભોયે,વૈદરાજ બયાજી ભાઈ,સુમનબેન દળવી, ભુપેદ્ર કુંવર,સહિત મોટી સંખ્યામાં ગ્રામજનોએ ઉપસ્થિત રહી કાર્યક્રમ ને સફળ બનાવ્યો હતો.ઉલ્લેખનીય છે કે સૌના સાથ સૌના વિકાસ સૂત્ર ને જોતા ગત વિધાનસભા ની ચૂંટણી માં 100 થી વધુ પાસ્ટરો સાથે મોટી સઁખ્યામાં ખ્રિસ્તી સમાજના મતદારો એ તત્કાલીન મંત્રી ગપણત વસાવાના હસ્તે ભાજપ નો ખેશ ધારણ કર્યો હતો.ત્યારે કોંગ્રેસના ગઢ એવા ડાંગમાં સત્તા પરિવર્તન માટે મહત્વના ખ્રિસ્તી સમાજ ફરી એકવાર નારાજ થયો છે જે જોતા આવનારી ચૂંટણીમાં પરિણામ વિપરીત આવે તો નવાઈ નથી.
ડાંગ જિલ્લામાં જનજાતિ સુરક્ષા મંચ દ્વારા ડી-લિસ્ટિંગ મુદ્દે વિશાળ અને રેલી જાહેરસભા.
