તાંતીથૈયામાં એક જ રાતમાં બે મોટરસાયકલની ઉઠાંતરી

બારડોલી : હાલ થોડા દિવસથીસુરત જિલ્લાના પલસાણા તાલુકાનાં તાંતીથૈયામાં રેલવે ટ્રેકને અડીને આવેલી સોસાયટીઓમાં ચોરી તેમજ લૂંટના બનાવોએ માથું ઊંચક્યું છે છેલ્લાં એક અઠવાડિયાથી સતત રોજ મોટરસાયકલ ચોરીના બનાવો સામે આવી રહ્યા છે પરંતુ પોલીસ કાર્યવાહીની જટીલતાના કારણે સ્થાનિકો પોલીસ સ્ટેશનમાં માત્ર અરજીઓ આપી સંતોષ માને છે મળતી માહિતી અનુસાર પલસાણા તાલુકામાં ઔદ્યોગિકથી અગ્રેસર એવા તાંતીથૈયા માંથી પસાર થતી ઉધના ભૂંસાવલ રેલવે લાઇનની આસપાસની સોસાયટીમાં છેલ્લા કેટલાક સમયથી ચોરીના બનાવો સામે આવી રહ્યા છે તાંતીથૈયામાં આવેલ આંગન રેસિડેન્સીના મકાન નંબર 202 માં રહેતા સુનિલ કુમાર મુન્ના પ્રસાદ ગુપ્તા (ઉ.વ.32 મૂળ.જી.બિદા ઉત્તર પ્રદેશ) તાંતીથૈયાની દિવ્યા મિલમાં ઇન્ચાજ તરીકે નોકરી કરે છે ગત 18 એપ્રિલના રોજ મોડી રાતે તેઓ પોતાનો સપલેન્ડર મોટરસાયકલ GJ 19 AP 2228 ઘર આગળ સાંકળ કરી બાંધી પાર્ક કરી હતી રાત્રી દરમિયાન અજાણ્યા તસ્કરોઆ મોટરસાયકલ સાંકળ કાપી સ્ટેયરીગ લોક તોડી મોટરસાયકલ ચોરી ગયા હતા તેમજ બાજુમાં આવેલ ગોકુલધામ વિલાના 309 નંબરના મકાનમાં રહેતા મનોજભાઈ જીતેન્દ્રભાઈ પાટીલની સ્પ્લેન્ડર મોટરસાયકલ GJ 19 BC 9493 નંબરની મોટરસાયકલ પણ તેજ રાત્રીએ તેઓના આંગણા માંથી ચોરાયા હોવાનું બહાર આવ્યું હતું 50 હજારની કિંમતની બને મોટરસાયકલ ચોરાયા અંગેની ફરિયાદ સુશીલ ગુપ્તાએ કડોદરા પોલીસને કરી હતી પોલીસે ફરિયાદના આધારે તપાસ હાથધરી હોવાનું જણાયું હતું

બે દિવસ અગાઉ સાંકળ સાથે બધી સ્ટેયરીગ લોક કરીને મૂકેલું બુલેટની ઉઠાંતરી થઈ હતી
તાંતીથૈયા વિસ્તારના 252 નંબર મકાન સોની પાર્ક 2 માંથી ગત રાત્રીના સમયે એક બુલેટ મોટરસાયકલ નંબર GJ 19 BB 4961 સ્પ્લેન્ડર મોટરસાયકલ નંબર GJ 05 HC 5848ને સાથે ચેનથી બાંધીને ઘર આંગણે પાર્ક કરી હતી જે ચેન કટરથી કાપી સ્ટેરિંગ લોક તોડી બુલેટને ધક્કો મારી સોસાયટીના પાછળના ખેતરાડીના રસ્તે લઈ જતા CCTV કેમેરામાં ચાર તસ્કરો નજરે પડ્યાં હતા.આ અંગે મોટરસાયકલ માલિક નિલેશભાઈ રાજપૂતે કડોદરા પોલિસ મથકે ફરિયાદ આપતા પોલીસ તંત્ર CCTV કેમેરા ચેક કરી શોધખોળ હાથ ધરી છે આ ઉપરાંત તાતીથૈયા વિસ્તારના ગોકુળધામ, તેમજ અન્ય વિસ્તારોમાંથી છેલ્લા એક અઠવાડિયાથી મોટરસાયકલ ચોરીની બૂમો ઉઠવા પામી છે જોકે સોસાયટીમાં ચોરીના CCTV ફુટેજ બહાર આવતા પોલીસ તસ્કરોને પકડવામાં ચક્રો ગતિમાન કર્યા હોવાંનું જણાઈ આવ્યું હતુ