તાપસી પન્નુની ‘થપ્પડ’ને એક પણ કટ વગર સેન્સરબોર્ડે ‘યુ’ સર્ટિફિકેટ આપ્યું

મુંબઈ,તા.૨૫
બોલિવૂડ એક્ટ્રેસ તાપસી પન્નુની આગામી ફિલ્મ ‘થપ્પડ’ ૨૮ ફેબ્રુઆરીએ રિલીઝ થઈ રહી છે. આ ફિલ્મનું સ્પેશિયલ સ્ક્રીનિંગ્સ યોજવામાં આવ્યું હતું અને ફિલ્મની ઘણી જ પ્રશંસા કરવામાં આવી હતી. આ ફિલ્મને સેન્ટર બોર્ડ ઓફ ફિલ્મ સર્ટિફિકેશને એક પણ કટ વગર અનરિસ્ટ્રિક્ટે સર્ટિફિકેટ આપ્યું છે.
ડિરેક્ટર અનુભવ સિંહાની આ ફિલ્મ ૧૪૪.૨૮ મિનિટની છે. ફિલ્મમાં તાપસી ઉપરાંત પવેલ ગુલાટી તથા કુમુદ મિશ્રા મહત્ત્વના રોલમાં છે. ફિલ્મને અનુભવ સિંહા તથા ભૂષણ કુમારે પ્રોડયૂસ કરી છે.
આ ફિલ્મ ડોમેસ્ટિક વાયોલન્સ પર આધારિત છે. તાપસીએ એક ઈન્ટરવ્યૂમાં કહ્યું હતું કે ડોમેસ્ટિક વાયલોન્સ મોટાભાગના ઘરોમાં થાય છે પરંતુ લોકો એમ કહેતા હોય છે કે આ બધું તેમના ઘરમાં નથી થતું. અપર મિડલ ક્લાસ તથા એજ્યુકેટેડ લોકો આવું કરતા નથી. આ ફિલ્મમાં તાપસીને તેનો પતિ થપ્પડ મારે છે અને પછી તે પતિ સાથે રહેવા માગતી નથી. તેના પર આ ફિલ્મ આધારિત છે.