એક તરફ બાળા સાહેબ ઠાકરેની શિવસેના હિન્દુવાદી પાર્ટી માનવામાં આવે છે અને બીજી તરફ લાલુપ્રસાદ યાદવ સમાજવાદી વિચારધારાની રાજનીતિ રમે છે ત્યારે લાલુ યાદવના દીકરા અને બાળા સાહેબ ઠાકરેના પૌત્ર વચ્ચે આજકાલ મેળાપ વધી ગયો છે.આ મુલાકાતોનું પરિણામ શું આવે છે તેની રાહ જોવાઇ રહી છે.
બિહારના ઉપમુખ્યમંત્રી તેજસ્વી યાદવ લાલુ યાદવના દિકરા છે.જ્યારે મહારાષ્ટ્રના પૂર્વ મંત્રી આદિત્ય ઠાકરે બાળા સાહેબ ઠાકરેના પૌત્ર છે.બંને અલગ અલગ વિચારધારા ધરાવે છે અને રાજનીતિ કરવાની રીત પણ અલગ જોવા મળે છે ત્યારે તેજસ્વી યાદવ અને આદિત્ય ઠાકરેની વધતી જતી મુલાકાતોનું પરિણામ શું આવશે તે જોવું રહ્યું.તાજેતરમાં પણ આદિત્ય અને તેજસ્વીની મુલાકાત થઈ હતી.બંને એક સાથે જ મુખ્યમંત્રી નીતિશકુમારને મળવા પણ પહોંચ્યા હતા.
શિવસેના આ મુલાકાતને સંવિધાન અને પ્રજા તંત્રને બચાવવા માટેની મુલાકાત કહી છે જ્યારે જેડીયુએ મુખ્યમંત્રી નીતિશકુમાર સાથેની મુલાકાતને શિષ્ટાચાર માટેની ઔપચારિક મુલાકાત ગણાવી હતી.જ્યારે તેજસ્વી યાદવે પણ લોકતંત્ર અને વિપક્ષી એકતાની વાત કરી હતી.તેજસ્વી અને આદિત્ય વચ્ચે કોઈ સાઠ ગાંઠ થઈ હોવાનું તો ચર્ચાઈ રહ્યું છે.હવે આ ખીચડીનો સ્વાદ લોકોને ક્યારે ચાખવા મળે તે જોવું રહ્યું ઉપરાંત લોકો માટે આ ખીચડી મીઠી સાબિત થશે કે ફીકી તે આગામી સમય જ કહેશે.
