સુરત : તેરે પતિને મેરી સાલી કે સાથ જો કિયા વો મે તેરે સાથ કરૂગા તેવી લિંબાયતની પરિણીતાને નનામા વ્હોટ્સએપ કોલથી ધમકી આપનાર ડિંડોલીના ફોટોગ્રાફરની લીંબાયત પોલીસે ધરપકડ કરી છે. મહિલાનો ફોટોગ્રાફર પતિ સ્ટુડિયોમાં આવતી મહિલાઓના મોબાઈલ નંબર મેળવી બાદમાં તેમને પરેશાન કરતો હોય તેને પાઠ ભણાવવા મિત્ર ફોટોગ્રાફરે જ ફેક આઈડી બનાવી મેસેજ કર્યા હતા.
પોલીસ સૂત્રો દ્વારા પ્રાપ્ત થતી વિગતો મુજબ સુરતના લિંબાયત વિસ્તારમાં સંયુકત પરિવારમાં રહેતી નફીસા(ઉ.વ.37,નામ બદલ્યું છે)સંબંધીના લગ્નમાં મહારાષ્ટ્ર ગઇ હતી ત્યારે અજાણ્યા નંબર પરથી વ્હોટ્સએપ કોલ આવ્યો હતો.કોલ કરનાર મહિલાએ નફીસાને કહ્યું હતું કે આપકે હસબંડ કો સમજાવ,જો મેરી બહેન હે ઉસકે સાથે અશ્લીલ બાત કર રહા હે,ઓર 2018 સે આપકે પતિકા મેરી બહેન કે સાથે અફેર ચલ રહા હે.જેના પ્રત્યુત્તરમાં નફીસાએ મેરા પતિ એસા હો હી નહીં શકતા,કોઇ સબુત હે તો મુજે ભેજો એમ કહેતા કોલ કરનારે નફીસાના પતિના વ્હોટ્સએપ ચેટીંગના સ્ક્રીનશોટ મોકલાવ્યા હતા.જેમા નફીસાના પતિ અને પરસ્ત્રી સાથે થયેલી અશ્લીલ ચેટીંગ હોવાથી નફીસાએ તેના પતિને આ બાબતે પૃચ્છા કરતા તેણે કોઇ સ્ત્રી સાથે વાત કરી નથી એમ કહ્યું હતું.
આ અરસામાં જ મહિલાનો પુનઃ કોલ આવ્યો હતો અને આપ મેરે સાથે બાત નહીં કરોગી તો મેં આપકે પતિ કો ફેમેલીમે બદનામ કર દુંગી ઉપરાંત મહિલાના પતિએ પણ વ્હોટ્સએપ કોલ કરી મેરા નામ સંજય હે,મેરી વાઇફ કા નામ શ્વેતા હૈ,તેરે પતિને મેરે સાલી કે સાથ જો કીયા હે,તેરે પતિ રાત કો મેરે સાલી કે ઘર આયે થે ઔર ઉસને જો કીયા હે વો મે તેરે સાથ કરૂગા સહિતની બિભત્સ વાત કરી અશ્લીલ ફોટો મોકલાવ્યા હતા.આ ઉપરાંત પણ કોલ કરી આપ મેરી સાથ સંબંધ નહીં રખોગી તો મેં આપ કે પતિ ઔર આપકે દોનો ભાઇ કો માર ડાલુંગા એવી પણ ધમકી આપી હતી.આ અંગે મહિલાએ બે અઠવાડીયા અગાઉ લીંબાયત પોલીસ મથકમાં ફરિયાદ નોંધાવી હતી.
દરમિયાન,લીંબાયત પોલીસે મહિલાને વ્હોટ્સએપ કોલ કરી ધમકી આપનાર તેના પતિના જ મિત્ર મનોજ વિજયભાઇ સોનાર(ઉ.વ.39,રહે.પ્લોટ નં.134/135,મહાદેવ નગર 3,ડિંડોલી,સુરત)ની ધરપકડ કરી હતી.તેની પુછપરછ કરતા જણાવ્યું હતું કે તે અને મહિલાનો પતિ બંને ફોટોગ્રાફર હોય મિત્ર છે અને સાથે ફોટોગ્રાફી કરે છે.મહિલાનો પતિ કોઈ મહિલા સ્ટુડિયોમાં ફોટો પડાવવા આવે ત્યારે તેનો મોબાઈલ નંબર લીધા બાદ તેમને અશ્લીલ મેસેજ કરી પરેશાન કરતો હોય તેને પાઠ ભણાવવા ફેક આઈડી બનાવી મેસેજ-કોલ કર્યા હતા.વધુ તપાસ પી.આઈ વી.એ.જોગરાણા કરી રહ્યા છે.
