નવી િદલ્હી : કોંગ્રેસ નેતા શશી થરુર ભાગ્યે જ વપરાતા અને ઉચ્ચારમાં મુશ્કેલ ઇંગ્લિશ શબ્દોનો ઉપયોગ કરવા જાણીતા છે.બુધવારે ટિ્વટર પર તેમણે આવા જ એક શબ્દ Quockerwodger (ક્વોકરવોજર)નો ઉપયોગ કર્યો હતો.થરુરે આ શબ્દ પોસ્ટ કર્યા પછી તેનો અર્થ પણ જણાવ્યો હતો.તેમણે કહ્યું હતું કે, “ક્વોકરવોજર એક પ્રકારની લાકડાની કઠપૂતળી છે.રાજકારણમાં ક્વોકરવોજર એટલે એવો નેતા જે પોતાના મુદ્દાનું યોગ્ય પ્રતિનિધિત્વ કરવાને બદલે ત્રાહિત વ્યક્તિના પ્રભાવમાં તેની સૂચના પ્રમાણે કામ કરે છે.” તેમણે જણાવ્યું હતું કે, આપણા રાજકીય શબ્દભંડોળમાં આ એક ઉપયોગી ઉમેરો છે.થરુરે ‘ક્વોકરવોજર’ શબ્દની શોધ ૧૮૬૦માં થઈ હોવાનું પણ જણાવ્યું હતું.ગયા વર્ષે તેમણે ભાજપ પર કટાક્ષ કરતા ‘allodoxaphobia’ (એલોડોક્સોફોબિયા) શબ્દનો ઉપયોગ કર્યો હતો.તેમણે કહ્યું હતું કે, અભિપ્રાયો અંગે ખોટા ગભરાટને દર્શાવવા આ શબ્દનો ઉપયોગ કરાય છે.એ અગાઉ થરુર ટીઆરએસના કાર્યકારી અધ્યક્ષ કે ટી રામરાવ સાથે કોવિડ-૧૯ની દવાના નામ અંગે ચર્ચામાં ઉતર્યા હતા અને તેમની સામે ‘floccinaucinihilipilification’ શબ્દ મૂક્યો હતો.ઓક્સફર્ડ ડિક્શનરીમાં તેનો ઉપયોગ ‘કોઇ વસ્તુને નકામી ગણવાની ટેવ કે પગલા’ માટે થાય છે.ભૂતકાળમાં તેમણે લોકોને ‘farrago’ અને ‘troglodyte’ શબ્દોનો ઉપયોગ કરીને ગુંચવણમાં મૂકી દીધા હતા.Farrago એટલે ગુંચવાડાભર્યું મિશ્રણ.troglodyte શબ્દનો ઉપયોગ ઇરાદાપૂર્વક અજાણ બનતા કે જૂની ઘરડમાં જીવતા વ્યક્તિ માટે કરાય છે.
થરૂરે ટ્વીટર પર વધુ એક અઘરો શબ્દ ‘Quockerwodger’ મુક્યો
