શેરબજારનું કુલ માર્કેટ કેપિટલાઇઝેશન એક દાયકા પછી પ્રથમવાર દેશના જીડીપી કરતાં વધ્યું હોવાનું જોવાયું છે.છેલ્લે આ સ્થિતિ સપ્ટેમ્બર 2010માં જોવા મળી હતી. શેરબજારનું માર્કેટ કેપિટલાઇઝેશન હાલમાં જ ~197.7 લાખ કરોડની સપાટીએ પહોંચ્યું ત્યારે દેશના જીડીપીની સામે માર્કેટ કેપની ટકાવારી 104.1 ટકાના સ્તરે નોંધાયું હતું. માર્કેટ કેપ ટુ જીડીપી રેશિયો સૌથી ઊંચી સપાટીએ ડિસેમ્બર 2007માં જોવાયો હતો જે 149.4 ટકા નોંધાયો હતો.
પ્રાપ્ત ડેટા અનુસાર,માર્કેટ ટુ જીડીપી રેશિયો છેલ્લે સપ્ટેમ્બર 2010માં 100.7 ટકાનો રહ્યો હતો તે પછી પ્રથમવાર જાન્યુઆરી 2021માં રેશિયો 100ની ઉપર નીકળ્યો હતો. જોકે, ડિસેમ્બર 2007માં જોવાયેલા રેશિયો કરતાં હજી ગણો નીચે છે.છેલ્લા 15 વર્ષમાં સૌથી નીચો રેશિયો માર્ચ 2005માં 52 ટકાનો જોવાયો હતો.ડિસેમ્બર 2020માં દેશનો જીડીપી ~190 લાખ કરોડ રહ્યો હતો જેને હાલ શેરબજારનું માર્કેટ કેપિટલાઇઝેશન વટાવી ગયું છે.
દેશના જીડીપી આંકડા એનએસઓ દ્વારા અંદાજવામાં આવે છે. એનએસઓના અંદાજ પ્રમાણે નાણાં વર્ષ 2021માં જીડીપીમાં આગલા વર્ષની સરપખામણીએ 11 ટકાનો ગ્રોથ જોવાશે જે ચાલુ વર્ષના પ્રથમ છ મહિનામાં 20 ટકા સુધી ઘટ્યો હતો. ભારતનો જીડીપી માર્ચ 2021ને અંતે ~195 ટ્રીલિયનમની સપાટીએ રહેવાની ધારણા મૂકવામાં આવે છે, જે બીએસઇના વર્તમાન કુલ માર્કેટ કેપિટલાઇઝેશન ~197 ટ્રીલિયન કરતાં નીચું રહેશે. આથી જો શેરબજારમાં વર્તમાન સ્તરે તેજી જળવાશે તો દેશની જીડીપીની સરખામણીએ રેશિયો 100 ટકાની ઉપર કે આસપાસ જળવાશે.
આ રેશિયો ડિસેમ્બર 2020માં 99 ટકા હતો અને માર્ચ 2020માં જ્યારે શેરબજાર કોવિડ-19મ કારણે ગબડ્યું હતુ ત્યારે ઘટીને નીચામાં 56 ટકા સુધી ગબડ્યો હતો જે છેલ્લા 15 વર્ષની સૌથી નીચલા સ્તરથી માત્ર 4 ટકા ઊપર હતો.જ્યારે ડિસેમ્બર 2019ને અંતે પૂરા થયેલા વર્ષને અંતે 78 ટકા નોંધાયો હતો.બીએસઈ માર્કેટ કેપિટલાઇઝેશનમાં માર્ચ તળિયાની સામે લગભગ 75 ટકાનો વધારો થયો છે.
ઇમર્જીંગ માર્કેટમાં ભારતનો રેશિયો સૌથી વધુ
ઇમર્જીંગ માર્કેટમાં જીડીપી ટુ માર્કેટ કેપ રેશિયો ભારતનો સૌથી ઊંચો છે. ચીનનો 75 ટકા, બ્રાઝિલનો 70 ટકા,રશિયાનો 47 ટકા છે.ભારત જેટલી કે માથાદીઠ આવક ધરાવતા ઇન્ડોનેશિયાનો રેશિયો 49 ટકા છે.વિકસીત દેશોમાં જર્મનીનો રેશિયો 100થી નીચો છે પણ યુકે,જાપાન, ફ્રાંન્સ, હોંગકોંગ,કેનેડા,યુકે,ઓસ્ટ્રેલિયા અને સ્વિઝરલેન્ડનો રેશિયો 100 ટકાથી ઉપર છે.
