લોકડાઉનના કારણે દેશના 21 રાજ્યોને એપ્રિલ માસમાં 97 હજાર 100 કરોડ રૂપિયાનું મહેસુલી નુકસાન થયુ.જેમા સૌથી વધારે મહેસુલી આવકમાં નુકસાન ગુજરાતને થયું હોવાના અહેવાલ છે.આ સાથે દેશના રાજ્યોમાં એપ્રિલ માસમાં જીએસટી આવક 26 હજાર 962 કરોડ ઘટી છે.
– દેશમાં સૌથી વધારે ગુજરાતને નુકસાન
– મહેસુલી આવકમાં ગુજરાતને ૭૬ ટકા નુકસાનનો અહેવાલ
– તેલંગાણા, હરિયાણા અને કર્ણાટકની મહેસુલી આવકમાં થયો ઘટાડો
– રાજ્યોના જીએસટીમાં ૨૬,૯૬૨ કરોડનું નુકસાન
– દેશના રાજ્યોને એક્સાઈઝ ડ્યુટીમાં ૧૩,૭૮૫ કરોડનું નુકસાન
– મહેસુલી આવકમાં નુકસાન ગુજરાતને થયું હોવાના અહેવાલ
તો એક્સાઈઝ ડ્યુટીમાં 13 હજાર 785 કરોડનું નુકસાન થયુ છે.ઈન્ડિયા રેટિંગના રિપોર્ટ પ્રમાણે વિમાન,પર્યટન અને હોટલ સહિત હોસ્પિટાલિટીની સુવિધા બંધ થવાના કારણે ઉદ્યોગ-વેપાર બંધ થયા છે.જેથી દેશના તમામ રાજ્યની મહેસુલી આવક ઘટી છે.રિપોર્ટમાં જણાવવામાં આવ્યુ કે,સ્ટેમ્પ ડ્યુટી રજિસ્ટ્રેશનમાં 11 હજાર 397 કરોડ, વીજળી ટેક્સમાં 3 હજાર 464 કરોડ રૂપિયાનું નુકસાન દેશના રાજ્યોને થયું છે.જે રાજ્યમાં સૌથી વધારે નુકસાન થયું તેમા ગુજરાત,હરિયાણા,કર્ણાટક,કેરળ,મહારાષ્ટ્ર,તમિલનાડુ અને તેલંગાણાનો સમાવેશ થાય છે.
