સુરત વરાછા વિસ્તારમાંથી બાઇક ચોરી કરનાર રીઢા વાહનચોરને પોલીસે ઝડપી લીધો છે. તેની પાસેથી 24 બાઇક તેમજ સ્પેરપાર્ટસ કબજે કર્યા છે.આરોપીએ અન્ય બાઇક ગેરેજવાળાને વેચી દીધી હતી.પોલીસે ગેરેજવાળાને પણ પકડીને તેની પાસેથી 11 બાઇક કબજે કરી હતી.
એક આરોપીને સાથે રાખી 11 જેટલી બાઈક કબજે કરી
વરાછા પોલીસ સ્ટેશનના ઇન્સ્પેક્ટર પી.એ.આર્યએ જણાવ્યું કે,બાતમીના આધારે વરાછા ફૂલ માર્કેટ પાસે જાહેર શૌચાલય પાસેથી આરોપી અરવિંદ ચકુ મારડિયા(રહે. ભક્તિનગર,વિશાલનગર પાસે, કાપોદ્રા)ને ચોરીની બાઇક સાથે ઝડપી પાડ્યો હતો. બાઇક પર ખોટી નંબર પ્લેટ લગાવી હતી.તેની પૂછપરછ કરતા તેણે વધુ બાઇક ચોરી કર્યાની કબૂલાત કરી હતી.પોલીસે અલગ-અલગ વિસ્તારમાંથી 11 બાઇક કબજે કરી હતી. તેના ઘરેથી ચોરી કરેલી બાઇકના સ્પેર પાર્ટસ પણ કબજે કર્યા હતા. બાકીની બાઇક અમરેલી અને જુનાગઢના ગામડાઓમાં વેચી હોવાનું કહેતા પોલીસે ત્યાંથી 13 બાઇક કબજે કરી હતી.
અન્ય આરોપી પાસેથી 11 બાઈક કબજે કરી
આરોપીએ બીજી ચોરી કરેલ બાઈક સરથાણા એસ. એમ. સી. પાણીની ટાંકીની સામે મઢુલી ગેરેજના માલિક અશોકભાઇ છગનભાઇ કોલડીયાને વેચી હતી.જેથી મઢુલી ગેરેજના માલીક અશોકભાઇ છગનભાઇ કોલડીયા (ઉ.વ.44)ને પકડી પાડી તેની પાસેથી ચોરી કરેલ 11 જેટલી બાઈક કબજે કરી હતી.ત્યારબાદ આરોપી અરવિંદ બીજી ચોરી કરેલ બાઈક અમરેલી અને જુનાગઢ જિલ્લાના ગામડાઓમાં વેચી હોય વરાછા સર્વેલન્સ સ્ટાફના પોલીસ માણસોએ આરોપીને સાથે રાખીને અમરેલી અને જુનાગઢ જિલ્લાના અલગ-અલગ ગામડાઓમાં તપાસ કરીને ચોરી કરેલ બીજા 13 બાઈક કબજે કર્યા છે.
8 એન્જિન,1 ચેસીસ પણ મળી આવ્યા
બંને આરોપીઓ પાસેથી કુલ્લે 35 જેટલી બાઈક કુલ્લે કિં.રૂ. 7.33 લાખ અને ચોરી કરેલ બાઈકના 8 એન્જિન,1 ચેસીસ અને અન્ય સ્પેરપાર્ટ્સ મળીને કુલ્લે કિં.રૂ.1,04,185 મળી કુલ્લે કિ.રૂ.8.37185 નો મુદ્દામાલ કબજે કરી કાયદેસરની કાર્યવાહી કરેલ છે.આ સાથે વરાછાના 9 અને ખટોદરાનો એક મળી કુલ 10 ગુનાનો ભેદ ઉકેલ્યો છે.આરોપી અરવિંદ વિરુદ્ધ 4 જેટલા ગુનાઓ નોંધાયેલા છે.
પહેલા પણ ચોરી કરી હતી
અરવિંદે પોલીસને કહ્યું કે, બાકીની ચોરીની બાઇક સરથાણામાં એસએમસી પાણીની ટાંકી સામે મઢુલી ગેરેજના માલિક અશોક છગન કોલડિયા (રહે. ચામુન્ડા રેસિડેન્સી,મોટા વરાછા) (બંનેના મૂળ ગામ ખજૂરી પીપળીયા, જિ. અમરેલી)ને વેચી છે.તેથી પોલીસે અશોકને પકડીને તેની પાસેથી 11 બાઇક કબજે કરી હતી.પોલીસે કુલ 35 બાઇક ઉપરાંત 8 એન્જીન, એક ચેસિસ તેમજ અન્ય સ્પેર પાર્ટસ મળીને કુલ 8.38 લાખ રૂપિયાનો મુદ્દામાલ કબજે કર્યો છે.આરોપી અશોક આ પહેલા 2009 અને 2011માં પણ પકડાયો છે. ચોરેલી કેટલીક બાઇક અશોકને 8થી 10 હજાર રૂપિયામાં વેચી દેતો હતો.અશોક તેના ગ્રાહકોને કહેતો કે,તેમની જૂની ગાડીને સસ્તામાં મોડીફાય તેમજ નવી કરી નાખશે. તેથી ગ્રાહકો અશોકને જૂની ગાડી આપી જતા હતા.અશોક તેમાં ચોરીની બાઇકના સ્પેર પાર્ટસ લગાવી દેતો હતો.
