તા. 21 માર્ચ, સોમવાર : આમ આદમી પાર્ટી આપ એ રાજ્યસભાના 5 ઉમેદવારોના નામની જાહેરાત કરી દીધી છે.ખોડલધામ પ્રમુખ નરેશ પટેલને ગુજરાત સંગઠનમાં લાવવા માટે આમ આદમી પાર્ટી પંજાબમાંથી રાજ્યસભાની ટિકિટ ઓફર કરી શકે છે અને ગુજરાતની આગામી વિધાનસભાની ચૂંટણી માટે મહત્વની જવાબદારી આપવામાં આવી શકે છે.આપ ગુજરાતના પાટીદાર વોટબેંકને આકર્ષવા માટે નરેશ પટેલને આવકારી શકે છે તેવી અટકળો પર અંતે પૂર્ણવિરામ મુકાયું છે.
નરેશ પટેલનું નામ પંજાબના રાજ્યસભાના નામાંકિત કરેલ 5 સાંસદોની યાદીમાં ન આવતા નરેશ પટેલ કઈ પાર્ટીમાં જોડાશે તેનું કોકડું વધુ ગૂંચવાયું છે.
પંજાબ વિધાનસભા ચૂંટણીમાં આપને 92 બેઠકો મળી છે,જેમાં પંજાબમાંથી પ્રખ્યાત ક્રિકેટર હરભજન સિંહ,રાઘવ ચઢ્ઢા અને ડો સંદિપ પાઠકને રાજ્યસભા મોકલશે.આપે ચોથા ઉમેદવારના રૂપમાં લવલી યુનિવર્સિટીના ચાંસલર અશોકકુમાર મિત્તલનું નામ ફાઈનલ કર્યું છે,સંજીવ અરોડા પંજાબના પાંચમા રાજ્યસભાના ઉમેદવાર હશે.જે એક મોટા ઉધોગપતિ છે.
પંજાબમાં AAP પાર્ટીમાંથી 5 નેતા રાજ્યસભામાં જશે
૧- રાઘવ ચડ્ડા,પંજાબ આપના પ્રભારી
૨- ડો.સંદીપ પાઠક,IIT પ્રોફેસર
૩- હરભજનસિંહ,ક્રિકેટર
૪- અશોક મિત્તલ,ફાઉન્ડર,લવલી પ્રોફેશનલ યુનિવર્સિટી
૫- સંજીવ અરોરા,ઉદ્યોગપતિ
રાજ્યના 7માંથી 5 રાજ્યસભા સભ્યોનો કાર્યકાળ 9 એપ્રિલે સમાપ્ત થઈ રહ્યો છે.રાજ્યસભાની બેઠકો માટે નામાંકન ભરવાની આજે છેલ્લી તારીખ છે.રાજ્યમાં 31 માર્ચે રાજ્યસભા માટે ચૂંટણી પ્રસ્તાવિત છે.
ડૉ.સંદીપ પાઠક અરવિંદ કેજરીવાલ અને ભગવંત માનની નજીક છે.પંજાબમાં આમ આદમી પાર્ટીની જીતનો શ્રેય પણ વ્યક્તિ સંદીપ પાઠકને આપવામાં આવી રહ્યો છે.ઘણા અહેવાલો અનુસાર,તેમણે પંજાબમાં AAP માટે ઘણું કામ કર્યું છે.
સંદીપ પાઠક પંજાબમાં રણનીતિ ઘડવામાં ખાસ ભૂમિકા ભજવવા માટે ઘણા વર્ષોથી કામ કરી રહ્યા હતા.સંદીપ પાઠક દિલ્હી IIT સાથે જોડાયેલા છે. તે થોડા વર્ષોથી લંડનમાં રહે છે.એવું કહેવાય છે કે, પંજાબમાં તેમને પડદા પાછળ શાંતિથી કામ કરવાની જવાબદારી સોંપવામાં આવી હતી.જેના પર તેણે ખંતથી કામ કર્યું.હવે તમે તેને રાજ્યસભામાં મોકલીને તેની મહેનતનું વળતર આપવાની તૈયારીમાં છે.
