નર્મદા : નર્મદા જિલ્લાના તિલકવાડા તાલુકા પંચાયતની 15 બેઠકો અને જિલ્લા પંચાયતની 3 બેઠકો નવા પ્રમુખ ઘનશ્યામ પટેલની અંગે આગેવાનીમાં કબ્જે કરશે તેવા દાવા સાથે તિલકવાડા માં ભાજપા એ એક બેઠક કરી હતી.જેમાં તિલકવાડા તાલુકાના આમલિયા ગામે કોંગ્રેસનો છેડો ફાડી ને 150 થી વધુ અને મુખ્ય હોદ્દેદારોમાં તિલકવાડા તાલુકા પંચાયત ના ઉપપ્રમુખ હેતલબેન કિર્તનભાઈ તડવી તેમજ તાલુકા પંચાયત ન્યાય સમિતિ ચેરમેન અને તાલુકા પંચાયતના પૂર્વ પ્રમુખ નટુભાઈ છીપાભાઈ ભીલ સાથે તિલકવાડા તાલુકા પંચાયત ના સદસ્ય જમનાબેન પ્રેમાભાઈ ભીલ તેમજ એડવોકેટ શ્રેયશભાઈ પરમાર સહિતના આગેવાનો એ ભજનો ની કેસરી ખેસ પહેરીને ભાજપ માં જોડાયા.
આમ ભાજપે તિલકવાડા કોંગ્રેસમાં મોટું ગાબડું પાડતા કોંગ્રેસ માં સોપો પડી ગયો છે.આ બેઠક માં નર્મદા જિલ્લા ભાજપ પ્રમુખ ઘનશ્યામ પટેલ પૂર્વ મંત્રી અને પૂર્વ ધારાશભ્ય શબ્દશરણ તડવી તાલુકા ભાજપ પ્રમુખ બાલુભાઈ બારીઆ,જિલ્લા ઉપપ્રમુખ જયેન્દ્ર પ્રજાપતિ બીજા જિલ્લા ઉપપ્રમુખ હિરેનભાઈ પટેલ જિલ્લા ઉપપ્રમુખ અનિરુદ્ધ સિંહ ગોહિલ તાલુકા મહામંત્રી મહેશ તડવી તેમજ બીજા મહામંત્રી રાકેશભાઈ ભીલ વરિષ્ઠ આગેવાન વલ્લભભાઈ જોશી સહિત હાજર રહ્યા હતા.
