– 31st ની તૈયારી માં દારૂ વેપાર કરતા માતા-પુત્ર ની ધરપકડ સાથે અન્ય ચાર જેટલાને વોન્ટેડ
નવસારી,26 ડિસેમ્બર 2022 સોમવાર : ગુજરાત સ્ટેટ મોનીટરીંગ સેલે નવસારી ચીખલી હાઇવે ટાઉન પોલીસ ચોકીથી નજીકમાં જ હોમ રેઇડ કરી મોટી માત્રામાં દારૂનો જથ્થો ઝડપી પાડ્યો હતો.ચીખલી પોલીસ સ્ટેશન નજીક વિદેશી દારૂની બોટલો પકડાતા પાડી સ્થાનિક પોલીસની પોલ ખુલી ગઈ હતી. 31st પહેલાં જ્યારે રાજ્યભરની પોલીસ દારૂની હેરાફેરી ઉપર નજર રાખતી હોય છે ત્યારે ચીખલી પોલીસ ઉધતી ઝડપાતા અન્ય પોલીસ સ્ટેશનોના અધિકારીઓમાં ફફડાટ ફેલાઈ જવા પામ્યો હતો.
મરઘાં ફાર્મ માં સંતાડેલો હતો દારૂનો જથ્થો
પોલીસ મથકેથી પ્રાપ્ત માહિતી અનુસાર સ્ટેટ મોનીટરીંગ સેલને મળેલ બાતમીના આધારે સ્ટાફના નિખિલેશ શ્રીમાળી,ગણેશ ચૌધરી,મહેન્દ્ર સંગાડા સહિતના સ્ટાફે એસઆરપીના જવાનોની સાથે શનિવારની રોજ બપોરના સમયે સમરોલીના કાળાપુલ ફળીયામાં રેડ કરી આરોપી બાવીબેન ઠાકોરભાઈ પટેલના રહેણાંક મકાનમાં તથા મકાનની પાછળના ભાગે ખુલ્લા ખેતરમાં અને મરધા ફાર્મમાં સંતાડી રાખેલ વિદેશી દારૂની બોટલ અને બિયરના ટીન કુલ-૫૯૫૬ નંગ કિં.રૂ.૮,૩૨,૮૦૫/- નો જથ્થો ઝડપી પાડ્યો હતો.સાથે બે મોબાઈલ ફોન અને રોકડા રૂપિયા મળી કુલ્લે રૂ.૮,૪૧,૫૦૫/- નો મુદ્દામાલ કબ્જે કરી દારૂનું વેચાણ કરનાર બાવીબેન ઠાકોરભાઈ પટેલ તથા ધર્મેશ ઠાકોરભાઈ કો.પટેલ (બંને રહે.સમરોલી કાળાપુલ તા.ચીખલી) એમ બંને માતા-પુત્રની ધરપકડ કરી દારૂનો જથ્થો મંગાવનાર અને મોકલનાર તેમજ આપી જનાર અજય ઉર્ફે અજય બાલુભાઈ પટેલ (રહે.મોગરાવાડી રૂમલા તા.ચીખલી),જલુ નામનો વ્યકતિ,અજય ઉર્ફે એલેક્ષ ચંદ્રકાન્ત હળપતિ (રહે.ગણદેવી-કસ્બા ફળીયા તા.ગણદેવી) તથા સૂરજ ઉર્ફે બાબુ દિપક પટેલ (રહે.સમરોલી કુંભરવાડ તા.ચીખલી) એમ ચાર જેટલાને વોન્ટેડ જાહેર કરી વધુ તપાસ બીલીમોરાના પીઆઇ-જે.એન.ગઢવી કરી રહ્યા છે.
