રાજ્યમાં અકસ્માતોની સંખ્યા દિનપ્રતિદિન વધી રહી છે,ત્યારે આજે સવારે નવસારીમાં એક હિટ એન્ડ રનનો અકસ્માત સામે આવ્યો છે.જેમાં ત્રણ લોકોના કમકમાટીભર્યા મોત નિપજ્યા છે.નવસારીમાં થયેલા હિટ એન્ડ રનમાં ચીખલીથી સુરત જતા કારને અકસ્માત નડ્યો છે.અજાણ્યા વાહને કારને જબરદસ્ત ટક્કર મારતાં ઘટના સ્થળે જ ત્રણ લોકોના મોત નિપજ્યા હતા, જ્યારે અન્યા 8 લોકો ઈજાગ્રસ્ત બન્યા હતા.
આ ઘટનાની ગંભીરતાને જોતા ઈજાગ્રસ્ત 8 લોકોને સારવાર અર્થે હોસ્પિટલમાં ખસેડાયા હતા. આ ઘટનાની પ્રાથમિક માહિતી પ્રમાણે યાંત્રિક ખામી સર્જાતા ચીખલીથી સુરત વચ્ચે કાર પાર્ક કરાયેલી હતી.જેને અજાણ્યા વાહને ટક્કર મારી હતી. આ કારમાં MPના કામદારો ચીખલીથી સુરત જતા હતા.
આ ઘટના વિશે મળતી માહિતી પ્રમાણે ચીખલીથી સુરત જઈ રહેલી એક ઇકો કારને આજે સવારે ગમખ્વાર અકસ્માત નડ્યો છે.મૂળ મધ્યપ્રદેશના કામદારો ઇકો કારમાં બેસીને ચીખલીથી સુરત જઈ રહ્યા હતા,ત્યારે કોઈ કારણોસર કારમાં યાંત્રિક ખામી સર્જાતા ડ્રાઈવરે કારને રોડની સાઈડમાં ઉભી કરી હતી.જાણવા મળી રહ્યું છે કે ઇકો કાર હાઇવેના ખડસુપા ઓવરબ્રિજ ઉપર બંધ પડી હતી.ત્યારે બંધ પડેલી ઇકો કારને કોઈ અજાણ્યા વાહન ચાલકે પાછળથી જબરદસ્ત ટક્કર મારી હતી,ઘટનાને અંજામ આપ્યા બાદ વાહનચાલક ફરાર થઈ ગયો છે.ભારે વાહનની ટક્કરને લઈને ઈકો કાર સાથે ગંભીર અકસ્માત સર્જાયો હતો.
નવસારીમાં હિટ એન્ડ રનની ઘટનામાં બે મહિલા અને એક પુરુષનું ઘટનાસ્થળે જ પ્રાણપેખરું ઉડી ગયું હતું.જ્યારે કારમાં સવાર બે બાળકો સહિત અન્ય આઠને ઇજાઓ થતા તેમને સારવાર માટે હોસ્પિટલ ખસેડાયા છે.ગંભીર ઇજાગ્રસ્તોમાં બેને વધુ સારવાર માટે સુરત સિવિલ ખાતે ખસેડાયા છે.
