ગુજરાત વિધાનસભાના 18મા મુખ્યમંત્રી તરીકે ભૂપેન્દ્ર પટેલે શપથ ગ્રહણ કર્યા છે.તેમના નવા મંત્રી મંડળમાં તેમના સહિત 17 મંત્રીઓએ સંવિધાન અને ગુપ્તતાના શપથ લીધા હતા.વલસાડ જિલ્લાની પારડી વિધાનસભા સીટ પરથી સતત બે ટર્મથી ધારાસભ્ય તરીકે ચુંટાયેલા કનુભાઈ દેસાઈને નવા મંત્રીમંડળમાં રીપિટ કરવામાં આવ્યા છે.ભુપેન્દ્ર પટેલની સરકારમાં તેઓને કેબિનેટ કક્ષાના મંત્રી બનાવવામાં આવ્યા છે.અગાઉની સરકારમાં ઉર્જા અને નાણાં વિભાગની જવાબદારી સોપવામાં આવતા તેઓએ વર્ષ 2022-23નું ગુજરાતનુ બજેટ કનુભાઇ દેસાઇએ રજૂ કર્યુ હતુ.
કનુ દેસાઇને નવી કેબિનેટમાં પણ સ્થાન મળ્યું
પારડી વિધાનસભા બેઠક પરથી વિજેતા થયેલા કનુ દેસાઇને નવી કેબિનેટમાં પણ સ્થાન મળ્યું છે.આજે સાંજે મળનારી કેબિનેટની પહેલી બેઠકમાં મંત્રીઓને તેમની જવાબદારીઓ સોંપવામાં આવી શકે છે.માહિતગાર સૂત્રો પાસેથી મળતી માહિતી મુજબ કનુભાઈ દેસાઈને ફરીથી નાણાં મંત્રાલયનો હવાલો મળી શકે છે.કનુભાઇ દેસાઇનો જન્મ 3 ફેબ્રુઆરી 1951 માં વલસાડ જિલ્લાના પારડી તાલુકાના ઉમરસાડી ગામમાં થયો હતો. તેમણે બી.કોમ અને એલએલબી સુધીનો અભ્યાસ કર્યો છે.
ગુજરાતના વિકાસને નવી ગતિ પ્રદાન કરનાર ઘાટલોડિયા વિધાનસભાના ધારાસભ્ય શ્રી @Bhupendrapbjp જી ને ફરી એકવાર ગુજરાતના મુખ્યમંત્રી બનવા બદલ ખૂબ ખૂબ અભિનંદન. pic.twitter.com/sLrmoD3PXZ
— Kanu Desai (@KanuDesai180) December 12, 2022
જનસંઘ સમયથી છે ભાજપ માટે સક્રિય નેતા
કનુભાઇ દેસાઇ આ વર્ષે પારડી વિધાનસભા સીટ પરથી વિજેતા બનીને મંત્રીપદ સુધી પહોંચ્યા છે.તેઓ 1973થી જનસંધ સમયથી ભાજપ માટે સમર્પિત રહ્યા છે.ઇમરજન્સી સમયે ભાજપના સક્રિય કાર્યકર્તા તરીકે કામગીરી નિભાવી હતી. 2005 થી 2009 ભાજપના વાપી નોટીફાઇડ મંડળ સંગઠનમાં કોશાધ્યક્ષ તરીકે જવાબદારી નિભાવી હતી. 2012 થી 2017માં પારડી વિધાનસભાના ધારાસભ્ય બન્યા હતા. 37600 લીડ સાથે તેઓ વિજેતા બન્યા હતા. 2017 થી 2022 માં પારડી વિધાનસભા સીટ પરથી વિજેતા બન્યા હતા. 2013 થી 2021 વલસાડ જિલ્લા ભાજપ પ્રમુખ તરીકે સતત બે ટર્મ સુધી જવાબદારી નિભાવી હતી.
