મધ્યપ્રદેશ, તા. 18 એપ્રિલ 2023, મંગળવાર : મધ્યપ્રદેશના ધાર જિલ્લામાં કોવિડ-19ને કારણે મૃત જાહેર કર્યા પછી પરિવારના સભ્યો દ્વારા એક વ્યક્તિના અંતિમ સંસ્કાર કરવામાં આવ્યા હતા,તે બે વર્ષ પછી ઘરે પાછો ફર્યો હતો.પરિવારના એક સભ્યએ જણાવ્યું કે, 35 વર્ષીય કમલેશ પાટીદારના પરિવારના સભ્યોએ શનિવારે સવારે લગભગ 6 વાગ્યે કરોડકલા ગામમાં તેની સાસુના ઘરનો દરવાજો ખટખટાવ્યો ત્યારે તેઓ આશ્ચર્યચકિત થઈ ગયા હતા.લગભગ બે વર્ષ પહેલા તેઓએ તેમના અંતિમ સંસ્કાર કર્યા હતા.
કમલેશ પાટીદાર બીજી કોવિડ-19 વેવ દરમિયાન બીમાર પડ્યા હતા.તેને હોસ્પિટલમાં દાખલ કરવામાં આવ્યો અને બાદમાં ડોક્ટરોએ તેને મૃત જાહેર કર્યો હતો.હોસ્પિટલે તેમને મૃતદેહ સોંપ્યા પછી પરિવારના સભ્યોએ તેમના અંતિમ સંસ્કાર કર્યા હતા, એમ તેમના પિતરાઈ ભાઈ મુકેશ પાટીદારે પત્રકારોને જણાવ્યું હતું.પિતરાઈએ કહ્યું, હવે, તે ઘરે પાછો ફર્યો છે પરંતુ તેણે આ સમયગાળા દરમિયાન તે ક્યાં રહ્યો તે વિશે કંઈપણ જાહેર કર્યું નથી.
કનવન પોલીસ સ્ટેશનના ઈન્ચાર્જ રામસિંહ રાઠોડે જણાવ્યું હતું કે પરિવારના સભ્યોના જણાવ્યા મુજબ, કમલેશ પાટીદારને 2021માં કોરોના વાયરસનો ચેપ લાગ્યો હતો અને તેને વડોદરાની હોસ્પિટલમાં દાખલ કરવામાં આવ્યો હતો.કોવિડ-19 ચેપને કારણે ડોક્ટરોએ તેને મૃત જાહેર કર્યો હતો.જે પરિવારના સભ્યોએ વડોદરામાં હોસ્પિટલ દ્વારા આપવામાં આવેલા મૃતદેહના અંતિમ સંસ્કાર કર્યા અને પછી તેમના ગામ પરત ફર્યા હતા.રાઠોડે જણાવ્યું હતું કે શનિવારે જ્યારે તે ઘરે પરત ફર્યો ત્યારે પરિવારના સભ્યોને ખબર પડી કે તે જીવિત છે.કમલેશ પાટીદારનું નિવેદન નોંધ્યા બાદ આ બાબત સ્પષ્ટ થશે,એમ અધિકારીએ જણાવ્યું હતું.આ સમગ્ર મામલો સામે આવતા અનેક પ્રશ્નો ઊઠી રહ્યા છે ત્યારે આગામી સમયમાં કામલેશન નિવેદન બાદ જસંગ્ર મામલામાં સાચું શું છે તે બહાર આવશે.
