વલસાડ, 03 જૂન : નિસર્ગ વાવાઝોડાને લઇને દમણ કલેક્ટરે દરિયા કાંઠાના વિસ્તારની મુલાકાત લીધી હતી.આ મુલાકાત દરમિયાન કલેક્ટરે લોકોને સાવચેતી રાખવા અપીલ કરી હતી.નિસર્ગ વાવાઝોડાને પગલે દમણ પ્રશાસન એલર્ટ મોડમાં આવ્યું છે. કલેક્ટર રાકેશ મીનહાસે કાંઠા વિસ્તારની મુલાકાત લઈ લોકોને સાવચેત રહેવા જણાવ્યું હતું.આ સાથે જ તેમણે કાંઠા વિસ્તારના કાચા મકાનોમાં રહેતા લોકોને શેલ્ટર હોમમાં ખસેડવાની કામગીરી હાથ ધરવામાં આવી છે.આ ઉપરાંત દરિયા કાંઠે દુકાનો ધરાવનારા દુકાનદારોને દુકાન બંધ કરાવી કાંઠા વિસ્તારને ખાલી કરાવવામાં આવ્યો છે.
આ અંગે કલેક્ટર રાકેશ મીનહાસે જણાવ્યું હતું કે, નિસર્ગ વાવાઝોડું 2 જૂન થી લઈને 4થી જૂન સુધીમાં દમણ દરિયાકાંઠે ટકરાઇ શકે છે. જેને લઈને પ્રશાસ દ્વારા વિવિધ ટીમ બનાવી લોકોને એલર્ટ કરવામાં આવ્યાં છે.આ ઉપરાંત જે લોકો કાચા મકાનમાં રહે છે,તેમનું સ્થળાંતર કરવામાં આવ્યું છે.કલેક્ટરે વધુમાં જણાવ્યું હતું કે,હવામાન વિભાગની આગાહી મુજબ વાવાઝોડા દરમિયાન 110થી 120ની ઝડપે પવન ફૂંકાઈ શકે છે.આ સાથે જ વરસાદ પણ આવી શકે છે.જેથી લોકોએ સાવચેત રહેવું ખૂબ જ જરૂરી છે.
