ન્યૂયોર્ક : ન્યૂયોર્કમાં ૨૧ વર્ષથી ઓછી વયના યુવાઓ પર નવા કાયદા હેઠળ સેમિઓટોમેટિક રાઇફલની ખરીદી પર પ્રતિબંધ મુકાયો છે.ગવર્નર કેથી હોચુલે સોમવારે નવા કાયદા પર હસ્તાક્ષર કર્યા હતા. સામૂહિક ગોળીબારની ઘટનાઓ પછી આવો કાયદો લાવનાર ન્યૂ યોર્ક પહેલું રાજ્ય બન્યું છે.હોચુલે ૧૦ પબ્લિક સેફ્ટી અંગેના ખરડા પર હસ્તાક્ષર કર્યા હતા.જેમાં એક કાયદા હેઠળ નવા હથિયાર ખરીદવા માઇક્રોસ્ટેમ્પિંગની જરૂર પડશે.તેને લીધે સત્તાવાળાને બંદૂક સંબંધી ગુનાઓ ઉકેલવામાં મદદ મળશે.ન્યૂ યોર્કના‘રેડ ફ્લેગ’કાયદામાં પણ સુધારો કરાયો છે.તેને લીધે કોર્ટ જે લોકો પોતાના માટે અથવા અન્ય માટે જોખમી હોય તેમની પાસેથી કામચલાઉ ધોરણે બંદૂક જપ્ત કરી શકશે.ગયા સપ્તાહે ૧૮ વર્ષના યુવાને કરેલા ગોળીબારની ઘટનાને પગલે ન્યૂ યોર્ક ગવર્નરને નવો કાયદો બનાવવાની ફરજ પડી હતી.
ન્યૂયોર્કમાં યુવાનો માટે સેમિ-ઓટોમેટિક રાઇફલની ખરીદી પર પ્રતિબંધ મુકાયો
