– આ ઘટનાના CCTV ફૂટેજ પણ સામે આવ્યા
– અજ્ઞાત લોકોએ જરનૈલ સિંહ પર 20-25 ગોળીઓ મારી
પંજાબના અમૃતસરથી મોટા સમાચાર સામે આવ્યા છે.અહી ગેંગસ્ટર જરનૈલ સિંહની હત્યા કરવામાં આવી છે.પ્રાપ્ત માહિતી અનુસાર, કેટલાક અજ્ઞાત લોકોએ જરનૈલ સિંહ પર 20-25 ગોળીઓ મારી હતી,જેમાં જરનૈલનું ઘટનાસ્થળે જ મોત થયું હતું.
શું છે સમગ્ર મામલો?
ઘટના અમૃતસરના બાબા બકાલા પાસેના સથિયાલા ગામની છે.અહીં કેટલાક લોકોએ જરનૈલ સિંહ પર ફાયરિંગ શરૂ કરી દીધું હતું.ઘટના બાદ જરનૈલ સિંહને હોસ્પિટલમાં લઈ જવામાં આવ્યો હતો,જ્યાં ડોક્ટરોએ તેને મૃત જાહેર કર્યો હતો.પોલીસે આ મામલે તપાસ શરૂ કરી છે.આ ઘટનાના CCTV ફૂટેજ પણ સામે આવ્યા છે.જેમાં માસ્ક પહેરેલા લોકો ગોળીઓ ચલાવતા જોવા મળે છે.આ હુમલાના સીસીટીવી ફૂટેજ પણ સામે આવ્યા છે.વીડિયોમાં સ્પષ્ટ જોઈ શકાય છે કે 4 માસ્ક પહેરેલા હુમલાખોરો આવે છે અને જરનૈલ સિંહ પર અંધાધૂંધ ફાયરિંગ શરૂ કરે છે.હુમલાખોરોથી બચવા માટે જરનૈલ સિંહ એક દુકાનમાં પ્રવેશ કરે છે.હુમલાખોરો તેની પાછળ દુકાનમાં ઘૂસી જાય છે અને જ્યાં સુધી તે મરી ન જાય ત્યાં સુધી ફાયરિંગ કરતા રહે છે.ફાયરિંગ કરતાં હુમલાખોરો સ્થળ પરથી ફરાર થઈ ગયા હતા.
પોલીસે સીસીટીવી ફૂટેજ કબજે કરીને આરોપીઓની શોધખોળ શરૂ કરી છે.પોલીસે મૃતકના મૃતદેહનો કબજો લઈ પોસ્ટમોર્ટમ માટે હોસ્પિટલના શવગૃહમાં રાખ્યો છે.પોલીસનું કહેવું છે કે ટૂંક સમયમાં જ આરોપીઓની ધરપકડ કરવામાં આવશે.
