બારડોલી : સુરત જિલ્લાના બારડોલીથી કડોદ જતાં માર્ગ ઉપર પણદા ગામની સીમમાં રેતી ભરેલ ડમ્પર પલ્ટી ગયું હતું.આ માર્ગ ઉપર માટેલા સાંઢની જેમ ડમ્પરો દોડી રહ્યા છે.સતત 24 કલાક આ માર્ગ ઉપરથી પસાર થતાં ડમ્પરોને કારણે વારંવાર આ માર્ગ ઉપર અકસ્માત સર્જાયા હોવાની અનેકવાર ઘટના બની છે.આજરોજ વહેલી સવારે રેતી ભરીને પૂરઝડપે પસાર થતું એક ડમ્પર નંબર RJ-26-C-6463 ના ચાલકે સ્ટેયરિંગ પરથી કાબૂ ગુમાવતાં ડમ્પર રોડની સાઈડમાં પલ્ટી ગયું હતું.આ રેતી બુલેટ ટ્રેન પ્રોજેકટના કામઅર્થે લઈ જવામાં આવી રહી હોવાનું જાણવા મળે છે.જોકે આ દુર્ઘટનામાં સદનસીબે કોઈ જાનહાનિ થઈ ન હતી.
પણદા નજીક રેતી ભરેલ ડમ્પરને નડ્યો અકસ્માત, ચાલકનો આબાદ બચાવ
