પલસાણા માંથી મિનરલ પાણીની બોટલની આડમાં લઈ જવાતો 1.84 લાખનો વિદેશી દારૂનો જથ્થો ઝડપાયો

બારડોલી : મળતી માહિતી અનુસાર શનિવારના રોજ રેન્જ આઈ.જીની સ્પેશિયલ ટીમના માણસો પ્રોહબીશન ડ્રાઈવમાં પલસાણા પોલીસ મથક વિસ્તારમાં હતા જે દરમિયાન અ.હે.કો.દિપકભાઈ આનંદરાવ નાઓને અંગત રાહે મળેલી બાતમી આધારે પલસાણા ડિસ્ટન હોટલની સામે વોચમાં રહી દમણ તરફથી આવતી એક સફેદ રંગની મહેન્દ્રા પિકપ નંબર GJ 15 Z 7182 ને અટકાવી તપાસ કરતા ગાડીમાં પાછળ ભરેલી બીલ્લેરી કંપનીના મિનરલ પાણીની બોટલના બોક્ષ મળી આવ્યા હતા બાતમી મુજબ દરેક બોક્ષ તપાસતા 56 બોક્ષ માંથી 46 બોક્ષ માંથી 369 નંગ વિદેશી દારૂની બોટલો મળી આવી હતી પોલીસે 1.84 લાખની કિંમતનો વિદેશી દારૂ તેમજ 3 લાખની કિંમતની ગાડી 28 હજારના મોબાઈલ અને રોકડ રકમ સહિત 5.25.120 રૂપિયાનો મુદામાલ કબ્જે કરી ડ્રાઇવર હાર્દિક મનુભાઇ માવાણી (ઉ.વ.-34 ધંધો વેપાર રહે-આનંદવાટીકા સોસાયટી વિ-4 ઘર નં.204,શેખપુરગામ,તા.કામરેજ જી.સુરત મુળ રહે ગામ બેલા,તા.ગાળીયાધાર,જી.ભાવનગર) (2) દેવેન્દ્ર ગોપીપાલ ગડરીયા(ઉ.વ.20 ધંધો મજુરી રહે.દ્વારકેશ હોટલ , વાપી તા.વાપી જી.વલસાડ મુળ રહે ઉમરીગામ,થાના ભીમાર,જી.હમીરપુર યુ.પી.)ની અટકાયત કરી કાયદાના સંઘર્ષ માં આવેલ કિશોર ઉ.વ. ૧૬ ને બાળ સુધારણા ગૃહમાં મોકલી માલઆપનાર વાપીના ભરતભાઇ અને માલ મંગાવનાર કડોદરાના રાજુભાઇ નામના ઇસમોને વોન્ટેડ જાહેર કરી કાયદેસરની કાર્યવાહી હાથધરી હતી