ઈસ્લામિક સ્ટેટ ખોરાસાન પ્રાંતે તેના મુખપત્ર અલ અઝાઈમ ફાઉન્ડેશન દ્વારા ન્યૂઝ બુલેટિન સેવા શરૂ કરી છે.જણાવવામાં આવે છે કે પહેલા ન્યૂઝ બુલેટિનમાં સંગઠને ખાસ કરીને ભારત અને ઈશનિંદા વિશે વાત કરી છે.અલ-કાયદા બાદ ઈસ્લામિક સ્ટેટ પણ પયગંબર મોહમ્મદ વિશેની ટિપ્પણીને લઈને વિવાદમાં આવી ગયું છે.અહેવાલ છે કે ઈસ્લામિક સ્ટેટ ખોરાસાન પ્રાંતે ભારતમાં હુમલાની ધમકી આપી છે.તાજેતરમાં અલ-કાયદા (AQIS) એ ભારતમાં ફિદાયીન હુમલાની ધમકી આપી હતી.ભારતીય જનતા પાર્ટીના પૂર્વ પ્રવક્તા નુપુર શર્માની ટિપ્પણી બાદ ભારે વિવાદ સર્જાયો હતો.જોકે, ભાજપે કાર્યવાહી કરીને શર્માને પાર્ટીમાંથી સસ્પેન્ડ કરી દીધા હતા.
મીડિયા અહેવાલો અનુસાર, ISKPએ તેના મુખપત્ર અલ અઝાઈમ ફાઉન્ડેશન દ્વારા ન્યૂઝ બુલેટિન સેવા શરૂ કરી છે.જણાવવામાં આવે છે કે પહેલા ન્યૂઝ બુલેટિનમાં સંગઠને ખાસ કરીને ભારત અને ઈશનિંદા વિશે વાત કરી છે.ઈન્ડિયન એક્સપ્રેસના અહેવાલ મુજબ સ્વતંત્ર ન્યૂઝ હેન્ડલ ખોરાસન ડાયરીની પોસ્ટમાં કહેવામાં આવ્યું છે કે વીડિયોમાં નૂપુર શર્મા અને બુલડોઝરની કાર્યવાહીનો ઉલ્લેખ કરવામાં આવ્યો છે.
તાલિબાનોને પણ નિશાન બનાવ્યા
ખોરાસાન ડાયરી અનુસાર વીડિયોમાં ભારત સાથે રાજદ્વારી રીતે જોડાણ કરવા બદલ તાલિબાનની ટીકા કરવામાં આવી હતી.જેમાં મુલ્લા ઉમરના પુત્ર મુલ્લા યાકુબ દ્વારા એક ભારતીય ન્યૂઝ ચેનલને ઈન્ટરવ્યુ આપવા પર પણ સવાલો ઉઠાવવામાં આવ્યા છે.યાકુબ રક્ષા મંત્રી છે.
અલ-કાયદાએ શું કહ્યું?
આતંકવાદી સંગઠન અલ-કાયદાએ પયગંબર મોહમ્મદના અપમાનનો બદલો લેવા માટે દિલ્હી,મુંબઈ,ઉત્તર પ્રદેશ અને ગુજરાતમાં આત્મઘાતી હુમલાની ધમકી આપી હતી.ન્યૂઝ એજન્સી ANI અનુસાર ધમકીભર્યા પત્રમાં અલ-કાયદાએ કહ્યું હતું કે, ‘અમારા પયગંબરનું અપમાન કરનારાઓને અમે મારી નાખીશું અને અમે અમારા શરીર અને અમારા બાળકોના શરીર પર વિસ્ફોટક બાંધીને તે લોકોને ઉડાવી દઈશું, જેઓ આવું કરવાની હિંમત કરે છે.અમારા પ્રોફેટનું અપમાન કરો… દિલ્હી,બોમ્બે,યુપી અને ગુજરાતમાં ભગવા આતંકવાદીઓએ તેમના અંતની રાહ જોવી જોઈએ.’
