ફાઈનાન્શિયલ ઈન્સ્ટિટ્યૂશન્સ સામે પડકાર ચાલુ રહેશેઃ ફિચ

એજન્સી > મુંબઈ

ફિચ રેટિંગ્સે કહ્યું છે કે આર્થિક વૃદ્ધિદર ઘટી રહ્યો છે અને નાણાકીય તરલતાની સ્થિતિ વણસી છે ત્યારે ફાઈનાન્શિયલ ઈન્સ્ટિટ્યૂશન્સ સેક્ટર સામે પડકારો ચાલુ રહેશે. તેણે કહ્યું હતું કે નોન-બેન્કિંગ ફાઈનાન્શિયલ કંપનીઓ, નાના અને મધ્યમ કદના ઉદ્યોગો(SME) અને રિયલ એસ્ટેટ સેક્ટરમાં એસેટ ક્વોલિટીમાં સ્ટ્રેસ ચાલુ જ રહેશે.રેટિંગ એજન્સીએ કહ્યું હતું કે 2019-20માં રિયલ જીડીપી ગ્રોથ ઘટીને 4.6 ટકા રહેવાની ધારણા છે, જે અગાઉના વર્ષે 6.8 ટકા હતો. એનબીએફસીમાં ક્રેડિટ ઉપલબ્ધતા મર્યાદિત રહી છે અને બિઝનેસ કોન્ફિડન્સ અને કન્ઝ્યુમર કોન્ફિડન્સ નબળો પડ્યો છે.

ફિચના રિપોર્ટ અનુસાર જો NBFC, રિયલ એસ્ટેટ અને SMEનું સ્ટ્રેસ વધશે તો એસેટ-ક્વોલિટીનું ટેન્શન વધશે. ટેલિકોમ સેક્ટરમાં ઊભા થયેલા સંકટને કારણે બેન્કોનું એસેટ-ક્વોલિટી રિસ્ક વધશે. બેન્કો અગાઉથી જ એનપીએના સંકટમાં ફસાયેલી છે. બેન્કોનું એનબીએફઆઈમાં એક્સપોઝર હોવાથી વ્યાપક અસર થઈ શકે છે.એજન્સીએ આ સાથે કહ્યું હતું કે કેટલીક એનબીએફસીએ જાન્યુઆરી અને ફેબ્રુઆરી 2020માં ફંડ ઊભું કર્યું છે તે દર્શાવે છે કે ફંડિંગ માહોલ સુધરી રહ્યો છે. એનબીએફઆઈ(નોન-બેન્કિંગ ફાઈનાન્શિયલ ઈન્સ્ટિટ્યૂસન્સ) વિદેશોમાંથી ફંડ ઊભું કરવાનો ટ્રેન્ડ આગળ ધપશે, પરંતુ રિટેલ ફોકસ્ડ એનબીએફઆઈ અને કેટલાક મોટા કોર્પોરેટ ગ્રુપની કંપનીઓ પૂરતો જ આ ટ્રેન્ડ મર્યાદિત રહેશે. હોલસેલ અને હાઉસિંગ ફાઈનાન્સ કંપનીઓ પર મોટું જોખમ છે કારણ કે તેમના માટે ફંડ ઊભું કરવું મુશ્કેલ બનશે.